ناۋرىز مەرەكەسى كۇنى ەلوردالىق پوليتسيا قىزمەتكەرلەرى شاعىن قازاق اۋىلىندا ۇلتتىق تاعامدار ازىرلەپ, سالت-ءداستۇردى دارىپتەدى.
«كيىز ءۇيدىڭ ىشىندەگى بۇيىمدار – قولدان جاسالعان تۋىندىلار. وسى مۇرالاردىڭ بارلىعىن ءبىزدىڭ اجەلەرىمىز جيناپ, ۇرپاقتان ۇرپاققا جەتكىزىپ, ساباقتاستىرىپ وتىرعان. اتا-بابامىزدان كەلە جاتقان سالت-ءداستۇردى ۇمىتپاۋ – ءبىزدىڭ پارىزىمىز» دەيدى مەملەكەتتىك ءتىل جانە اقپارات ءبولىمىنىڭ مامانى گۇلجان مۇحامەدينا.
ناۋرىز تويىن اتاپ وتۋگە كەلگەن قىزمەتكەرلەر قازاقتىڭ ەرتەدەن كەلە جاتقان سالتىنىڭ ءبىرى – تۇساۋكەسەر ءراسىمىن تاماشالادى. استانا قالاسى ءىىد كادر جۇمىسى باسقارماسى باستىعىنىڭ ورىنباسارى رۋستام كالين تاماشا مەرەكەنىڭ بۇگىندە بارلىق قالالاردا كەڭىنەن اتالىپ ءوتىپ جاتقانىن ايتتى. «بۇل مەرەكەنىڭ كەرەمەتتىلىگى سوندا, ەلىمىزدەگى دوستىق پەن بەيبىتشىلىكتى نىعايتا تۇسەدى. ۇلىس وڭ, اق مول بولسىن!» دەپ باتاسىن بەردى ول.
مەرەكە سوڭى ەلوردالىق پوليتسيا قىزمەتكەرلەرىنىڭ كونتسەرتتىك باعدارلاماسىنا ۇلاستى.
