استانا قالاسىنىڭ الماتى اۋداندىق ارداگەرلەر كەڭەسى ۇجىمى ناۋرىز ايىن وتانىمىزدىڭ بولاشاق ءۇمىتى بالعىن بالاپاندار جانە جاستارعا ءبىلىم ءنارىن قۇيىپ جاتقان مەكتەپ ۇجىمدارىمەن بىرلەسىپ وتكىزىلگەن تاربيەلىك ءمانى زور اۋقىمدى ءىس-شارالارمەن باستادى.
الدىمەن ينتەرناتسيونالنىي تۇرعىن الابىنداعى ر.قوشقارباەۆ اتىنداعى №44 مەكتەپ ۇجىمى مەن «قايسار» باستاۋىش ارداگەرلەر ۇيىمى بىرلەسىپ «جاقسى كەلىن – ىرىسىڭ» اتتى كەلىندەر سايىسىن وتكىزدى. سايىسقا №42, №43, №44 مەكتەپتەر مەن «داۋرەن», «اراي» بالاباقشالارىنان ۇستازدار مەن تاربيەشىلەر قاتىستى. قاتىسۋشىلار بەس ساتىلىق تالاپ بويىنشا ءوز ونەرلەرىن ورتاعا سالىپ, سايىستى ۇتىمدى ولەڭ شۋماقتارىمەن, شەبەر دە, ادەمى تەاترلانعان قويىلىمدارىمەن اكت زالىندا تولا وتىرعان كورەرمەندەر نازارىن وزدەرىنە باۋراپ الدى. اسىرەسە قازاق حالقىنىڭ قوناق كۇتۋ ءداستۇرىن ەرەكشە باعالاعان كەلىندەر, ۇلتتىق تاعامنىڭ ءتۇر-ءتۇرىن جايناتتى. تاربيەلىك ءمانى زور, تانىمدىلىق سيپاتقا باي بۇل ءىس-شاراعا ارنايى قاتىناسقان الماتى اۋداندىق ارداگەرلەر كەڭەسىنىڭ توراعاسى مارات مۇستافين مەن «امانات» پارتياسىنىڭ الماتى اۋدانى بويىنشا اتقارۋشى ديرەكورى ب.ءالياروۆا وزدەرىنىڭ جۇرەك جاردى تىلەكتەرىن ورتاعا سالىپ, «ۇرپاقتار ساباقتاستىعىنا» نەگىز بولار مۇنداي ءىس-شارالاردىڭ قاجەتتىلىگىن اتاپ ءوتتى.
ال №32 مەكتەپ-گيمنازيانىڭ مۇعالىمدەرى مەن وقۋشىلارى «امان-ەسەن» شاعىن ارداگەرلەر ورتالىعى مۇشەلەرىنە مەرەكەلىك كونتسەرت ۇسىنىپ, ارداگەرلەردىڭ اق باتاسىن الدى.
ناۋرىزناما كۇنتىزبەسىنىڭ ەكىنشى كۇنى الماتى اۋداندىق ارداگەرلەر كەڭەسىنىڭ ءبىر توپ مۇشەسى ا.بايتۇرسىنوۆ اتىنداعى №48 مەكتەپتە «قىز كوركەم-ءومىر مەكتەبى» دەپ اتالعان بۇل سىنىپ ساعاتىنا قاتىستى. ۇلتتىق قۇندىلىقتارىمىزدى جاڭعىرتۋ باعىتىندا وتكىزىلگەن ءىس-شارانىڭ تاعىلىمدىق-تاربيەلىك ماڭىزى زور بولدى.
ال ناۋرىزدىڭ 18 كۇنى «زامانداس» اتتى اۋلا كلۋبىنىڭ جەتەكشىسى ءلاززات الشىنباەۆا «تۇران» باستاۋىش ۇجىمىنىڭ ارداگەرلەرىمەن كەزدەسۋ ۇيىمداستىرىپ, ۇلتتىق كيىمدەر كۇنىنە ارنالعان ءىس-شارا وتكىزدى.
اۋدان ارداگەرلەرى وزدەرى شاقىرىلعان مەرەكەلىك ءىس-شارالاردا وقۋشىلار مەن ۇستازدارعا ۇلتتىق مەرەكەمىز ناۋرىزدىڭ, سونداي-اق ۇلتتىق سالت-ءداستۇرىمىزدى, ادەت-عۇرپىمىزدى ساقتاۋدىڭ ماڭىزدىلىعىن ايتىپ, ويىمىزبەن بولىستىك. ەڭ باستىسى, وسىنداي ءىس-شارالار ارقىلى ۇرپاقتار ساباقتاستىعىن جۇزەگە اسىرعانداي بولدىق. اۋدان اۋماعىندا ناۋرىز مەيرامىنا ارنالعان مەرەكەلىك ءىس-شارالارعا ارداگەر قاۋىمدى ارنايى شاقىرىپ, قۇرمەت كورسەتكەن بارلىق مەكەمەلەر مەن ۇيىمدارعا العىسىمىز شەكسىز.
ماناپ ادىرەشەۆ,
الماتى اۋدانى ارداگەرلەر كەڭەسى مەديا
توبىنىڭ جەتەكشىسى
