تالعات راحمانبەردى, استانا قالاسىنىڭ جاستار ساياساتى ماسەلەلەرى باسقارماسىنىڭ باسشىسى:
– ءسىز باسقاراتىن مەكەمە جاستاردىڭاراسىندا جۇمىسسىزدىقتى ازايتۋ ماقساتىندا قانداي جۇمىستارجۇرگىزىپ جاتىر؟
– استانا قالاسىنىڭ جاستار ساياساتىماسەلەلەرى باسقارماسى جاستاردىڭ اراسىندا جۇمىسسىزدىق دەڭگەيىن تومەندەتۋ ماقساتىندا بىرقاتار يگى ىستەر اتقارۋدا. «استانا قالاسىنىڭ 2013-2014 جىلدارعا ارنالعان ەڭبەك نارىعىن رەتتەۋ تۋرالى جۇمىس جوسپارى» بەكىتىلىپ, ءتيىستى جۇمىستار جۇرگىزىلۋدە.
جۇمىسسىز ازاماتتاردىڭ سانىنازايتۋ جانە جۇمىسسىزدىق دەڭگەيىن تومەندەتۋ شەڭبەرىندە جۇمىسپەن قامتۋ قىزمەتى حالىقتى جۇمىسسىزدىقتان الەۋمەتتىك قورعاۋدىڭ بەلسەندى شارالارىن قولدانۋدا. ونىڭ ىشىندە: لايىقتى جۇمىس ىزدەۋگە جاردەمدەسۋ, جۇمىسسىز ازاماتتاردى كاسىپتىك دايارلاۋ, قايتا دايارلاۋ جانە بىلىكتىلىگىن ارتتىرۋ, اقىلى قوعامدىق جۇمىستاردى ۇيىمداستىرۋ, سونداي-اق, جۇمىسپەن قامتۋ سالاسىندا الەۋمەتتىك قورعاۋدىڭ قوسىمشا شارالارىن ۇيىمداستىرۋ (بۇل وقۋدان بوس ۋاقىت كەزىندە وقيتىن جاستار ءۇشىن اقىلى قوعامدىق جۇمىستار, كاسىپتىك ديپلومنان كەيىنگى تاجىريبەسىنە ارنالعان «جاستار تاجىريبەسى» جانە حالىقتىڭ ءنىسانالىتوپتارىۇشىن الەۋمەتتىك جۇمىس ورىندارى).قازىرگى ۋاقىتتا «جاسىل ەل»شتابىنىڭ قىزمەتىنە جاستاردىتىركەۋ جۇمىستارى جۇرگىزىلۋدە. كوركەيتۋ, كوگالداندىرۋ جۇمىستارىنا ەكى مىڭنان استام جۇمىسسىز جاستاردى تارتۋ كوزدەلىپ وتىر. اعىمداعى جىلعى 5 ماۋسىم – دۇنيەجۇزىلىك قورشاعان ورتانى قورعاۋ كۇنىنە ورايلاستىرىپ, «جاسىل ەل» شتابىنىڭ جۇمىس ماۋسىمى سالتاناتتىتۇردە اشىلدى. جۇمىسسىز جاستاردى جانە ستۋدەنتتەردى اتالعان ءىس-شاراعا بەلسەنە ارالاسۋعا شاقىرامىز.
جۇمىسسىزدىق دەڭگەيىن تومەندەتۋ بويىنشا ءىس-شارالاردىڭ ءبىرى www.job.astana.kz پورتالىنىڭ قۇرىلۋى.
جىل باسىنان بەرى 2 رەت بوس جۇمىس ورىندار جارمەڭكەسى وتكىزىلدى. 16 ناۋرىزدا ل.ن گۋميلەۆ اتىنداعى ەۋرازيالىق ۇلتتىق ۋنيۆەرسيتەتىنىڭ بازاسىندا تۋريزم سالاسىندا وتكىزىلگەن بوس ورىندار جارمەڭكەسىندە 700 وقۋ ورىندارىنىڭ ستۋدەنتتەرى مەن مەكتەپ تۇلەكتەرى جانە 23 ساۋىردە كونگرەسس- حوللدا وتكەن «وزەكتى ماماندىقتار كورمەسى – بوس لاۋازىمدار» جارمەڭكەسى جۇمىس ىزدەۋشىلەرگە 1000-نان استام بوس جۇمىس ورىندارىن ۇسىنعان بولاتىن.
بوس ورىندار جارمەڭكەسى جۇمىسسىزدارعا لايىقتى جۇمىس تابۋعا, ال, جۇمىس بەرۋشىلەرگە – جۇمىس ورىندارىن جاساقتاۋعا مۇمكىندىك بەردى.
سونىمەن قاتار, «دۇرىس تاڭداۋ جاسا» اتتى كاسىبي باعدار بەرۋ ءىس-شارالارى ۇيىمداستىرىلدى. ەلوردامىزدىڭ ءتورت مىڭنان استام مەكتەپ وقۋشىلارى وندىرىستىك كاسىپورىنداردىڭقىزمەتىمەن تانىستى جانە سول مەكەمەلەردىڭ وكىلدەرىمەن كەزدەسۋلەرگە قاتىستى. «№1 اۆتوبۋس پاركى» اق, «ەۆروكوپتەر» جشس, «تسەسنا استىق» اق, «تسەلينگيدروماش» وندىرىستىك كاسىپورنى, «استانا پوليگرافيا» جشس جانە تاعى باسقا وندىرىستىك كاسىپورىندار وقۋشىلارعا كەڭ كولەمدى اقپاراتتار بەردى.
– وسى ۋاقىتقا دەيىن قانشا ادام جۇمىسقا ورنالاستىرىلدى؟
–2013 جىلعى 22 مامىرعا دەيىنگى دەرەكتەر بويىنشا جۇمىسپەن قامتۋعا 2566 ادام ءوتىنىش جاساعان, 424-ءى جۇمىسقا ورنالاستىرىلعان, قوعامدىق جۇمىستارعا 840 جاستار, ونىڭ ىشىندە وقۋدان بوس ۋاقىت كەزىندە وقيتىن جاستار ءۇشىن اقىلى قوعامدىق جۇمىستارعا 261 ادام, جاستار تاجىريبەسىنە 198 ادام, الەۋمەتتىك جۇمىس ورىندارىنا 51 ادام قاتىسۋدا. ەسەپتە تۇرعان جۇمىسسىز جاستار سانى 2224 ادامدى قۇرايدى. الداعى ۋاقىتتا جاستار مەن جاسوسپىرىمدەردىڭ بوس ۋاقىتتارىن ءتيىمدى وتكىزۋدى ۇيىمداستىرۋ ماقساتىندا «بالالار مەن جاسوسپىرىمدەردىڭ بوسۋاقىتىن ءتيىمدى پايدالانۋ جانە شىعارماشىلىق ورتالىعىن» قۇرۋ جانە اۋلا كلۋبتارىنىڭ دامۋ كارتاسىن دايىنداۋ كوزدەلۋدە. وسى ءىس-شارالاردى جۇزەگە اسىرۋ ارقىلى قالا اۋماعىندا قاۋىپسىز, سپورتتىڭ سان الۋان تۇرلەرى بار, دەنە تاربيەسى, ساۋىقتىرۋ, اعارتۋشىلىق جانە مادەني-بۇقارالىق قىزمەت اتقاراتىن اۋلا كلۋبتارىنىڭ سانىن 11-دەن 50-گە دەيىن ارتتىرۋ, تاربيەلەنۋشىلەردىڭ سانىن 2 مىڭنان 20 مىڭعا دەيىن جەتكىزۋ جوسپارلانعان.
ەركەجان ساتىمبەك
