قالا اكىمى التاي كولگىنوۆ ەلوردا اۋداندارىنىڭ اۋلالىق اۋماقتارى قالاي وزگەرگەنىن تەكسەردى.
ۇركەر (201-كوشە, ەسىل اۋدانى), ءوندىرىس (بايقوڭىر اۋدانى) ەلدى مەكەندەرىندە امبەباپ الاڭدار اشىلادى, فۋتبول الاڭىن جىلدىڭ سۋىق مەزگىلىندە حوككەي كورتىنا اۋىستىرۋعا بولادى. بۇل كورتتا بالالار حوككەي ويناپ قانا قويماي, كونكيمەن دە سىرعاناي الادى. سونداي-اق ترەناجەرلەر ورناتىلىپ, workout ايماعى جابدىقتالادى. ءاربىر وسىنداي كەشەن ينكليۋزيۆتىك ەلەمەنتتەرمەن جابدىقتالعان ەرەكشە قاجەتتىلىكتەرى بار بالالار الاڭداردا ويناپ, سپورتپەن شۇعىلدانا الادى.
«مەملەكەت باسشىسى حالىققا جولداۋىندا ازاماتتاردى بۇقارالىق سپورتپەن اينالىسۋعا شاقىردى. بارلىعى اۋلا سپورتىنان باستالادى. بالالار بوس ۋاقىتىندا فۋتبول, حوككەي ويناۋعا, كونكيمەن سىرعاناۋعا مۇمكىندىك الۋى ءۇشىن سپورتپەن شۇعىلدانۋعا جاعداي جاسالۋى ءتيىس. اۋلالاردىڭ كورىنىسى مەن نە بولۋى قاجەتتىگى تۋرالى تۇرعىندارمەن كەلىسە وتىرىپ شەشىلەدى. قوعامدىق كەڭىستىكتى تۇرعىنداردىڭ پىكىرىن ەسكەرە وتىرىپ دامىتاتىن بولامىز! اۋلا اۋماقتارىن اباتتاندىرۋ جۇمىستارىن ودان ءارى جالعاستىرامىز» دەدى ا.كولگىنوۆ. سونداي-اق مۇنداي الاڭدار گەتە كوشەسى, 10 (سارىارقا اۋدانى) جانە ءوندىرىس ەلدى مەكەنىندە (بايقوڭىر اۋدانى) ورناتىلدى. بۇل جوبالار «Samruk-Kazyna Trust» الەۋمەتتىك جوبالاردى دامىتۋ قورىمەن بىرلەسىپ ىسكە اسىرىلدى.
