ەلورداداعى ورتالىقتاندىرىلعان كىتاپحانالار جۇيەسىنە قاراستى №3 بالالار كىتاپحاناسى ونلاين رەجيمدە «جازدا كىتاپپەن بىرگە» دەگەن فوتوبايقاۋ ۇيىمداستىردى.
بۇل يگىلىكتى شارانىڭ ماقساتى: بالالاردىڭ كىتاپقا دەگەن قىزىعۋشىلىعىن وياتۋ. ولار جازعى دەمالىستا وقىعان كىتاپتارى جايىندا بەينەسيۋجەت جولدايدى, ۇناتقانىن باسقا دا قاتارلاستارىنا وقۋعا ۇسىنادى.
فوتوبايقاۋعا قاتىسۋعا نيەت بىلدىرگەندەر باس شاھاردان عانا ەمەس, ەلىمىزدىڭ ءار تۇكپىرىنەن بولدى. ماسەلەن, باتىس قازاقستان وبلىسى بايتەرەك اۋدانى داريان اۋىلىنانشاشتى شارماندانوۆا دەگەن جەتكىنشەك اقىن باۋىرجان حاليوللانىڭ «جان تەبىرەنىس» كىتابى جايىندا بەينەسيۋجەت جىبەرگەن. سونداي-اق پاۆلودار قالاسىندا تۇراتىن ماقسۇت ايگەرىم ىبىراي ءالتىنساريننىڭ اسەرلى اڭگىمەلەرى تۋرالى جولداسا, ەلوردالىق بالىم الدابەرگەنوۆا اباي اتامىزدىڭ قاراسوزدەرىن وقۋعا ۇسىنىپتى.
№3 بالالار كىتاپحاناسىنىڭ مەڭگەرۋشىسى مارال اقتاەۆا ءوز سوزىندە وسى شاراعا بەلسەندى اتسالىسقان جەتكىنشەكتەر مەن ولاردىڭ اتا-انالارىنا العىسىن جەتكىزدى. بايقاۋدا جەڭىمپاز اتانعان بالالار ارنايى سىيلىقتارمەن ماراپاتتالدى.
