ەلوردالىقتارعا جۇگىرۋ, كاراتە, سكانديناۆيالىق ءجۇرىس, اسىق اتۋ, ستريتبول, بادمينتون, فيتنەس, زۋمبا ۇيىرمەلەرى تەگىن. «قولجەتىمدى سپورت» اتتى جاڭا جوبا اياسىندا بۇل ءىس-شارالار قالاداعى 6 ساياباق پەن 2 سكۆەردە, اپتا سايىن سەيسەنبى, بەيسەنبى, سەنبى كۇندەرى ساعات 17:00-دەن 19:00-گە دەيىن وتەدى.
«التىن الا جازىلۋدىڭ قاجەتى جوق. تەگىن سپورت جاتتىعۋلارىنا كەز كەلگەن تۇرعىن قاتىسا الادى. ءار سپورت ءتۇرىنىڭ ءوز ينسترۋكتورلارى بار. جوبا بيىلعى جەلتوقسان ايىنىڭ سوڭىنا دەيىن جالعاسادى» دەيدى جوبانى ۇيىمداستىرۋشىلاردىڭ ءبىرى, نۇر-سۇلتان قالاسى سپورتتىق-بۇقارالىق ءىس-شارالاردى وتكىزۋ ديرەكتسياسىنىڭ ءباسپاسوز حاتشىسى ءمادينا ايتقاليەۆا.
سونىمەن, تەگىن ساباقتار مىنا مەكەنجايلار بويىنشا وتەدى:
استانالىق پارك. جاۋاپتى ادام: ەدىل, تەل: +7 775 947 22 79
«جەرۇيىق» پاركى. جاۋاپتى ادام: جۇمات, تەل: +7 707 423 86 93
بوتانيكالىق پارك. جاۋاپتى ادام: ايىم, تەل: +7 708 312 55 02
«جەتىسۋ» پاركى. جاۋاپتى ادام: بەكزات, تەل: +7 775 514 22 06
ترياتلون پاركى. جاۋاپتى ادام: ريزابەك, تەل: +7 707 977 99 70
كوكتال پاركى. جاۋاپتى ادام: ەرلان, تەل: +7 701 909 66 77
وقۋشىلار سارايى (اربات). جاۋاپتى ادام: ەرجان, تەل: +7 775 610 09 14
ەۇۋ جانىنداعى كوپىر استى. جاۋاپتى ادام: دارىن, تەل: + 7 747 054 59 00
ەستەرىڭىزگە سالا كەتەيىك, جوبانىڭ سالتاناتتى اشىلۋى وتكەن دەمالىس كۇندەرى استانالىق ساياباقتا «World Class Green» فيتنەس-ورتالىعىنىڭ فيتنەس-نۇسقاۋشىلارى مەن «Azimuth» سپورت كلۋبى سپورتشىلارىنىڭ كورسەتىلىمدەرى ءوتتى. سونىمەن قاتار ساياباققا كەلگەن دەمالۋشىلار اراسىندا اسىق اتۋ ويىنى بويىنشا جاتتىعۋلار وتكىزىلدى.
جوبا تۋرالى تولىق اقپارات الۋ ءۇشىن Instagram الەۋمەتتىك جەلىسىندەگى @dostupnyi_sportkz پاراقشاسىنا كىرۋگە بولادى.
