كومىر قورى جەتكىلىكتى

استانا قالاسىندا 14 كومىر ساتۋ ورىنى جۇمىس ىستەيدى.

كومىر ساتاتىن ورىندار ءتيىستى ينفرا­قۇرىلىممەن جانە تيەۋ-ءتۇسىرۋ تەحنيكاسىمەن تولىق جابدىقتالعان. كومىر ساتۋدى 8 كومپانيا جۇزەگە اسىرادى.

جىلىتۋ ماۋسىمىنا دايىندىق جانە ونى وتكىزۋ كەزەڭىندە كومىر ساتۋشىلاردان 463 مىڭ توننادان استام كومىر مولشەرىندە وتىنىمدەر رەسىمدەلدى. باعانىڭ وسۋىنە جول بەرمەۋ ماقساتىندا تامىز ايىندا بارلىق كومپانيالارمەن كومىر قۇنىن بەكىتۋ تۋرالى ءتيىستى مەموراندۋمدار جاسالدى.

109 ءنومىرى بويىنشا «قاۋىرت جەلى» جۇمىس ىستەيدى, وندا تۇيىقتىقتاعى (تۋپيك) كومىردىڭ قورى, باعاسى جانە بار-جوعى تۋرالى بىلۋگە بولادى.

كومىردىڭ ورتاشا باعاسى وتكەن جىلدىڭ دەڭگەيىندە ساقتالىپ وتىر:

شۇباركول كومىرى تونناسى – 13800 تگ;

قاراجىرا كومىرى تونناسى – 14500 تگ;

مايكوبە كومىرى تونناسى – 12700 تگ.