ҚР Білім және ғылым министрлігі айқындық пен ашықтықты қамтамасыз ету мақсатында мемлекеттік жоғары оқу орындары ректорларын тағайындаудың жаңа ережелерін енгізеді.
Бұрын ЖОО ректорлары ҚР Білім және ғылым министрінің жеке шешімімен тағайындалатын. Енді биылдан бастап мемлекеттік ЖОО ректорлары сайлау арқылы тағайындалады.
Ашық конкурс негізіндегі іріктеуді ғалымдардан, сондай-ақ бизнес, жергілікті атқару органдары және қоғам өкілдерінен құралған университеттің Қадағалау кеңесі өткізеді.
