Елордада 8 мыңға жуық студентке жатақхана қажет
Бүгінде Астана қаласында 115 мың студент білім алуда. Соның ішінде 8 мыңға жуық студентке жатақхана қажет, деп хабарлайды astana-akshamy.kz
Бұл туралы қалалық Жастар саясаты басқармасының ұйымдастыруымен Студенттік жатақханалар құрылысы фронт-кеңсесінде өткен жиында айтылды. Бейбітшілік көшесі, 9 мекенжайда өткен жиында елордадағы салынып жатқан жатақханалар құрылысы бойынша жұмыстар барысы сөз болды.
⠀
«Жатақханалар құрылысы – Мемлекет басшысының, сондай-ақ елорда әкімінің бақылауында тұрған қаланың маңызды мәселелерінің бірі. Биыл инвесторлардың көмегімен 1500 орындық 6 жатақхананы пайдалануға беру жоспарлануда. Осы ретте жатақхана мәселесі Жастар саясаты мәселелері басқармасының ерекше бақылауында айта кеткіміз келеді», делінген басқарманың баспасөз қызметінің әлеуметтік парақшасындағы жазбада.