Sport
Конфедерация кубогы жеңімпаздарына – 165 миллион
Бокс, күрес түрлері, таэквондо, карате, дзюдо және қазақ күресі бойынша өтетін Конфедерация кубогының жеңімпаздары анықталды.Бокс бәсекесінде Түркістан облысының былғары қолғап шеберлері финалда Нұр-Сұлтан қаласы құрамасын 5:3 есебімен ұтып, жеңіс тұғырының ең биік сатысынан көрінді. Грек-рим күресінде Шымкент қаласының балуандары Алматы облысынан басым түсіп, кубок жеңімпазы атанды. Алматы қаласы каратэ және таэквондо жарысында топ жарды. Дзюдо додасында Шығыс Қазақстан облысы жеңімпаз атанса, еркін күресте Нұр-Сұлтан қаласының балуандары кубок иегері атанды. Қазақ күресі бойынша Конфедерация кубогын Солтүстік Қазақстан облысының «Қызылжар арландары» клубы жеңіп алды.
Конфедерация кубогының жүлделік қоры 165 миллион теңгені құрады.