Qazaqstan Respublikasy Ükımetınıŋ qaulysymen L.N. Gumilev atyndaǧy Euraziia ūlttyq universitetıne «zertteu universitetı» märtebesı berıldı. Bedeldı oqu ordasynyŋ 2022-2026 jyldarǧa arnalǧan damu baǧdarlamasy bekıtıldı. Osy qūjat aiasynda EŪU universitet ǧylymynyŋ el ekonomikasynyŋ naqty sektoryna ülesın arttyrudy közdeidı.
Joǧary oqu ornyn transformasiialau aldynda universitettıŋ ǧylymi äleuetın arttyru boiynşa keşendı jūmystar jürgızıldı. Qoldanbaly ǧylymi zertteulerdı küşeituge erekşe nazar audaryldy. Jalpy EŪU älemdegı zertteu universitetterınıŋ ozyq täjıribesı negızınde zamanaui ǧylymi-öndırıstık ekojüienı damytuǧa, biznespen jäne öndırıspen bailanysty nyǧaituǧa basymdyq berıp otyr.
Universitet tarapynan jüzege asyrylyp jatqan damu baǧdarlamasynyŋ negızgı baǧyttary – ǧylymi jäne bılım beru qyzmetınıŋ integrasiiasy, kadrlardy daiarlau sapasyn arttyru, ǧylymnyŋ, önerkäsıptıŋ jäne biznestıŋ bailanysyn nyǧaitu, eldıŋ äleumettık damuyna ülestı arttyru. Universitettıŋ ǧylymi infraqūrylymyn keŋeitu aiasynda Abai oblysynyŋ Kurchatov qalasynda ornalasqan «Iаdrolyq tehnologiialar parkı» AQ EŪU-ǧa berıldı. Būl Park mamandardy daiarlau, ǧalymdardyŋ zertteulerın jürgızu, ǧylymi äzırlemelerdı kommersiialandyru alaŋyna ainalady. Käsıporynda studentterge studentterge praktikalyq daǧdylaryn jetıldıruge jäne ǧylymi jūmyspen ainalysuǧa mümkındık berıledı.
Universitet belsendı türde jeke biudjetı esebınen jas ǧalymdardyŋ ülesın arttyryp, zertteuler men startap-jobalarǧa universitettık granttar böluge basa nazar audaryp otyr. Ǧylym boiynşa halyqaralyq kollaborasiiany damytu maqsatynda şeteldık postdoktoranttar üşın şäkırtaqylar qarastyrylǧan. 2020 jyldan bastap universitette jalaqysy köterılgen jäne akademiialyq jüktemesı tömendetılgen «oqytuşy-zertteuşı» pozisiiasy engızıldı. Biylǧy oqu jylynda mūndai märtebenı EŪU-nıŋ 20 jetekşı ǧalym-oqytuşylary ielendı. Sonymen bırge biyl qoldanbaly zertteulermen, nätijelerlı kommersiialandyrumen ainalysatyn «zertteuşı-innovator» degen jaŋa pozisiia engızıldı.
Jalpy universitette ǧylymnyŋ qarjylandyru kölemı bırtındep artyp keledı. Būl körsetkış memleket tarapynan ǧylymi-zertteu jūmystaryn qarjylandyru kölemınıŋ ūlǧaiuynyŋ arqasynda 2 ese östı. Biyl EŪU-nıŋ jetekşı ǧalymdary 100-den astam ǧylymi zertteulerdı jüzege asyruda. Olar biologiia jäne biotehnologiia, iadrolyq fizika, matematika jäne aqparattyq tehnologiialar, himiia jäne jer turaly ǧylymdar, injiniring jäne qoǧamdyq-gumanitarlyq ǧylymdar salalaryndaǧy 31 ǧylymi bölımşenıŋ jäne jetekşı ǧylymi mektepterdıŋ bazasynda jürgızıledı. Akademiialyq jäne universitettık ǧylymdy bırıktıretın 6 ǧylymi-bılım beru klasterı qūrylǧan.
Bügıngı taŋda EŪU-da ǧylymi därejesı bar professorlyq – oqytuşylyq qūramnyŋ ülesı 67% – dy qūraidy, al Qazaqstanda ǧylymi kadrlardyŋ därejelılık ortaşa körsetkışı 35% teŋ. Būl rette professorlyq – oqytuşylyq qūramny 40% – ǧa juyǧy – 39 jasqa deiıngı jas ǧalymdar. 2021 jyldyŋ qorytyndysy boiynşa elımızdıŋ 50 ǧalymy arasynda universitettıŋ 9 ǧalymy «Üzdık ǧylymi kyzmetker» syilyǧyn ielendı.
Soŋǧy bes jylda EŪU ǧalymdarynyŋ jariialanymdyq belsendılıgı ekı esege artty. Maqalalardyŋ jartysynan köbı Web of Science bazasynyŋ Q1, Q2 jurnaldarynda jariialanady. Universitettıŋ bırqatar jetekşı ǧalymdarynyŋ jariialanymdary sala boiynşa jyl saiyn älemdegı eŋ köp sılteme jasalatyn 0,1% – ǧa kıredı.
Universitette Scopus, Web of Science jäne basqa da halyqaralyq mälımetter bazasyna engızılgen 17 ǧylymi jurnal şyǧarylady. Biyl EŪU QS World University Rankings 2023 halyqaralyq reitingınde älemnıŋ üzdık 300 universitetterınıŋ qataryna enıp, 277-şı orynǧa ie boldy. Soŋǧy üş jylda universitet būl reitingte 141 saty alǧa jyljydy.
