İä, bız közben körıp, sanamen tüiemız. Al jürekpen tyŋdai bılemız be? Qazaq ūlttyq öner universitetınıŋ mäjılıs zalynda ötken «Qaraŋǧyda» konsertınen osyndai oi tüidık.
Sahna. Qap-qaraŋǧy tünek. Közben körıp üirenıp qalǧan bızge ūiymdastyruşylar jürekpen tyŋdaudyŋ tyŋ täsılın ūsynǧandai.
Konsertte erekşe jandar men öner universitetınıŋ önerpazdary şyǧarmaşylyǧymen bölısıp, än aitty, öleŋ oqydy.
«Miras» qoǧamdyq qorynyŋ prezidentı Jüzbai Serık:
– 2010 jyly mamyr aiynda Ädılet departamentınde tırkelıp, qaiyrymdylyq baǧytynda qyzmet etıp kelemız. Qoǧamdaǧy tastandy, jetım balalardy ruhani qoldap, zaǧip jandardyŋ qabılet-qasietın şyŋdap, tanyluyna jūmys ısteudemız. Jylda sport salasynda jetıstıkke jetken erekşe jandardy nasihattaimyz. Biyl zaǧip jandardyŋ önerın därıpteudı qolǧa aldyq, – dedı.
Konsert bastalmas būryn suret körmesı ūiymdastyrylyp, ondaǧy suretterdı zaǧip jandar jüregımen tanyp-bıluge jaǧdai jasaldy.
Mūny Jüzbai Serık bylai tüsındırdı: «Surettıŋ ideiasy jäne onda körsetılgen grafikany «audio discreet» audio jazba arqyly erekşe jandarǧa tüsındırıledı. Būl – jürekpen tanudyŋ joly. Konsertımız qaraŋǧyda oryndalady. Būl da jürekpen tyŋdaudyŋ naq özı».
Önerpaz, aqyn Nūrdana Arǧyn küişı Qūrmanǧazynyŋ «Saryarqa» küiın Yamaha-men oryndap, özınıŋ «Aŋsaimyn jaryq kündı» änın şyrqap, körermennıŋ köŋılın bosatty.
Al dästürlı änşı, aitysker aqyn Alǧysbek Däuenūly aqiyq aqyn Mūqaǧali Maqataevtyŋ sözıne jazylǧan «Janarsyz adam keledı» jäne Esenqūl Jaqypbektıŋ «Ömır sürgım keledı» änın oryndady. Būl ekı öleŋnıŋ muzykasyn özı jazǧan eken.
«Sät» tobynyŋ änşısı Azat Äbıldaev oryndauyndaǧy änder de köpşılıktıŋ tanym tarazysyn biıktete tüstı.
Jüzbai Serık te önerden talasy bar, segız qyrly, bır syrly azamat eken. Ahmet Baitūrsynūlynyŋ monogolyn oryndap, özınıŋ «Şükır deiıkşı» atty öleŋın oqyp berdı.
