Elımızde ǧylymi audarma institutyn qūru qajet.
Audarma ısı qai zamanda bolmasyn halyqtyŋ ruhani ömırı men ǧylymy üşın öte maŋyzdy sanalǧan.
Keŋestık zamanda qazaqtyŋ ǧylymi audarmasy bırşama oŋ jolǧa qoiylǧan bolatyn. Ǧalym-audarmaşy mamandar kommunistık ideologiia negızın qūraǧan Marks, Engels, Lenin şyǧarmalaryn qazaq tılınde söilettı. Audarmanyŋ sapasy öte joǧary boldy.
2003 jyly Elbasy N.Nazarbaevtyŋ bastamasymen «Mädeni mūra» baǧdarlamasy qolǧa alynyp, köp jūmys atqaryldy. Baǧdarlama şeŋberınde şetel tılderınen bıraz eŋbekter audaryldy. Alaida audarma jeke mektep bolyp qalyptaspady jäne audarylǧan şyǧarmalar sapasy da köŋıldegıdei bolmai şyqty.
Qazır älemdık deŋgeide jazylǧan şyǧarmalarmen tek orys tılınde tanysa alamyz. Aǧylşyn, fransuz, nemıs ǧalymdary men saiasatkerlerınıŋ jazǧan eŋbekterı orys tılıne şapşaŋ audarylyp, jūrtşylyqqa tez arada ūsynylady. Qazaq tılındegı aqparat közderı de osyndai deŋgeide bolsa eken.
Ǧarifolla ESIM,
Senator
