Elordamyzdaǧy №4 qalalyq emhana köp funksionaldy mekemelerdıŋ bırı bolyp sanalady. Eŋ bastysy, būl emhana laboratoriialyq qyzmet körsetetın jaŋa zamanǧy tehnologiiamen qamtamasyz etılgen. ISO 90001-2008 halyqaralyq sapa sertifikatyn ielengen mekemenıŋ bazasynda biylǧy nauryz aiynan bastap Ūly Otan soǧysy ardagerlerıne jäne olarǧa teŋestırılgenderge medisinalyq qyzmet körsetu bölımşesı jūmys ıstei bastady.
Bügıngı taŋda aituly bölımşede 2830 adam tırkelgen. Olardyŋ jartysynan astamy 60 jastan asqandar bolsa, osynda qaralatyn 780 adamnyŋ jasy 80-nen asyp otyr. Bıle bılsek, arnaiy sanattaǧy azamattarǧa qyzmet körsetudıŋ özındık erekşelıgı bolatyny zaŋdylyq. Öitkenı, osy bölımge keluşılerdıŋ bırı qiian-keskı soǧysty bastan keşkender bolsa, endı bırı – Chernobyl apaty men Semei poligony radiasiiasy zardabyn tartqandar, äskeri qyzmet barysynda mügedekter bolyp qalǧandar, derbes zeinetkerler. Al osyndai ömırdıŋ beinetın körgen adamdardyŋ densaulyǧyn qadaǧalau, der kezınde kömek körsetu ülken bılıktılık pen meiırımdılıktı talap etetını sözsız. Osy oraida bölımde qyzmet etetın därıgerler men medbikelerdıŋ jūmysyna köpşılıktıŋ köŋılı tolatyny aŋǧarylady.
– Men Auǧanstanda boldym. Sondaǧy bır soǧys operasiiasynda jaraqattanǧan edım. Qazır ekınşı toptyŋ mügedegımın. Osy emhanadaǧy arnaiy bölımge kelıp qaralyp tūramyn. Kündızgı stasionarda em aldym. Qyzmet körsetuşı personalǧa dän rizamyn. Qaşan kelseŋ de qamqorlyqpen jyly qarsy alady, – deidı «Qyzyl Jūldyz» ordenı jäne «Za otvagu» medalınıŋ iegerı Jasūlan Sadyqov rizaşylyq köŋılımen.
Jalpy aityp ötsek, aituly bölımşede terapevt, nevropatolog, kardiolog, endokrinolog, hirurg, surdolog, pulmonolog, revmatolog, UZİ mamandary jan-jaqty qyzmet körsetedı. Emdeluşıler aldymen öte keŋ bölmede jaily oryndyqtarmen, teledidarmen jabdyqtalǧan tırkeu kabinetıne keledı, odan ärı medbikelerdıŋ jeteleuımen tiıstı därıgerdıŋ qarauyna jetkızıledı. Qajet jaǧdaida psiholog pen äleumettık qyzmetkerge de jıberıledı. Ärı qarai keluşınıŋ auruhanaǧa jatqyzylatyny nemese osy emhanadaǧy kündızgı stasionarda em alatyny anyqtalady. Al üiınde jatyp emdeluşılerge tiıstı därı-därmekter qajetınşe berıledı.
– Ardagerler sanatyndaǧy adamdarǧa qyzmet körsetu – bız üşın ülken jauapkerşılık. Şyndyǧyn aitqanda, soǧys pen basqa da qiyndyqtardy bastan keşken otandastarymyzdy emdeudı bır jaǧynan märtebe sanaimyz. Bölımşe aşylǧannan berı myŋdaǧan adamnyŋ densaulyǧyn, sonymen qatar, äleumettık jaǧdaiyn da bılıp qaldyq. 259 adamdy jan-jaqty tekserulerden ötkızıp, emdeu mekemelerıne joldadyq. Biyl kündızgı stasionarda 53 adam em aldy. Olardyŋ qatarynda 12 Ūly Otan soǧysy ardagerı boldy. Bölım därıgerlerı jyl basynan berı 2598 adamnyŋ üiıne baryp sanitarlyq medisinalyq kömek körsettık, – deidı bızben äŋgımesınde bölımşe meŋgeruşısı Nūrgül Qasenbaeva.
Ardager qauymnyŋ densaulyǧyn qadaǧalaityn bölımşenıŋ ertemen bastalyp keşke deiın bır tolastamaityn jūmysyn üzdıksız atqaryp jürgen täjıribelı därıgerler Nūrgül Qasenbaeva, Kämşat Batyrbek, Şolpan Düisekeeva, meiırımdı medbikeler Äigerım Ormanova, Ajar Batmanova jäne Oksana Nazarova köpşılıktıŋ alǧysyn arqalap jürgen aq halatty abzal jandar dese bolady. Taǧy bır qosarymyz, bılıktı därıger Serık Şaimerdenov basqaratyn №4 qalalyq emhanada ardager-zeinetker emdeluşılerge qūrmet körsetudıŋ jaqsy dästürı qalyptasqanyn aitqymyz keledı. Atap aitqanda, Jeŋıs künı, Qarttar künı, Mügedekter künı, sonymen qatar memlekettık merekeler men ūlttyq meiramdarda öz pasientterıne arnalǧan merekelık şaralar ūiymdastyrylady. Bügıngı taŋda emhana ūjymy aldaǧy jyly atalyp ötıletın Ūly Otan soǧysy Jeŋısınıŋ 70 jyldyǧyna orai äzırlık jasauda. Osyndai ızgılık şuaǧyn tögetın şaralar nauqastyŋ tänıne de, janyna da bırdei şipa beretın jaqsylyqtyŋ körsetkışı dep bılemız.
Ǧalym QOJABEKOV
