Būrnaǧy künı Astana qalasy äkımınıŋ orynbasary Aida Balaeva qalalyq Ardagerler keŋesınıŋ müşelerımen kezdestı. Täuelsızdık saraiynda ötken basqosuda aldymen keŋes töraǧasy Amangeldı Syzdyqov söz söilep, elordalyq qariialardyŋ hal-ahualyn äŋgımeledı.
«Ardagerlerdıŋ qandai saualy, problemasy bolsa da, basşylyq tarapynan eskerılıp, jauapsyz qalmaityny bızdı qatty quantady. Astana äkımdıgı men mäslihaty egde buynnyŋ är sözıne män berıp, tūrǧyn jailaryna, tūrmys-tırşılıgıne ünemı qolǧabys etedı. Jaqynda ǧana eskı päterlerde tūratyn qarttardyŋ baspanalary tegın jöndeuden öttı. Soŋǧy ekı jyldan berı ardagerlerdıŋ därıgerlık qamqorlyqqa alynyp, sauyqtyru oryndaryna jıberılıp tūruy da köŋıl-küiımızdı köterdı. Osy siiaqty qandai mäselemızdıŋ de oŋ şeşımın tauyp, nazardan tys qalmaitynyna keŋes müşelerı ärkez alǧys aitady» dedı Amangeldı Syzdyqov.
Jiynda söz alǧan Aida Ǧalymqyzy mūndai kelelı otyrystardyŋ dästürge ainaluy igı bastamalarǧa sebep bolatynyn, köptegen tüiındı mäselelerdıŋ şeşıluıne jol aşatynyn äŋgımeledı. «Kelesı jyly Ūly Jeŋıstıŋ jetpıs jyldyǧyn, Konstitusiianyŋ jiyrma jyldyǧyn toilaimyz. Joǧary deŋgeide atap ötu üşın bärımız küş bırıktırıp, jūmyla jūmys ısteuımız kerek. Sondai-aq, Qazaqstan halqy assambleiasynyŋ jiyrma jyldyq mereitoiyn
«Astana – beibıtşılık pen kelısım qalasy» ūranymen ötkızemız. Būl auqymdy şaralardy josparlaudy qazırdıŋ özınde bastap kettık. Sızderdıŋ qosar tılek, ūsynystaryŋyz bolsa, ortaǧa salyŋyzdar.
Ūly jeŋıstıŋ jetpıs jyldyǧyn toilauǧa daiyndyqty 1 qaŋtardan bastaimyz. Jospar, negızınen, daiyn. Bız osy şaranyŋ ötuıne belsendı atsalyssaq deimız. Ardagerlerımız memlekettıŋ qamqorlyǧyn sezıngenı dūrys» dedı qala äkımınıŋ orynbasary.
Aida Balaeva sözınıŋ barysynda elordamyzdyŋ qarqyndy damyp kele jatqanyn da aityp, aǧymdaǧy jyly atqarylǧan şarualardyŋ legın de sanamalai kettı. «Biyl jartyjyldyqta 700 000 şarşy metr tūrǧyn üi tapsyryldy. Alda älı igerılmegen auqymdy jerler bar. «EKSPO-2017» halyqaralyq körmesıne orai köptegen jobalar öz jūmysyn bastady. Ekı-üş jyldan soŋ bız būdan da görı damyǧan jaŋa qalaǧa kuä bolamyz. Būl, ärine, bızdıŋ eldıŋ älemdegı kökjiegın keŋeitedı.
Astanada halyqtyŋ sany köbeiıp jatyr. Jylyna 20 myŋnan asa säbi düniege keledı. Būl – quanarlyq jait. Jas otbasylar köp balaly bolyp jatyr. Būl jastar arasynda maqtanyşqa, ürdıske ainaldy desek te bolady» degen A.Ǧalymqyzy özge de jetıstıkterdı saralady.
Otyrys soŋynda aqsaqaldar ūsynys-tılekterın bıldırıp, qala äkımınıŋ orynbasaryna kökeilerındegı saualdaryn qoidy. Aida Balaeva barlyq sūraqtarǧa jan-jaqty jauap berdı.
Ashat Raiqūl
