Esıl jaǧalauyndaǧy amfiteatrda Esırtkı zattaryn terıs paidalanuǧa jäne olardyŋ zaŋsyz ainalymyna qarsy halyqaralyq küres künıne orai «Astanalyq jastar esırtkıge qarsy» ūranymen arnaiy şara öttı.
Jyl saiyn 26 mausymda bükıl älemde Esırtkı zattaryn terıs paidalanuǧa jäne olardyŋ zaŋsyz ainalymyna qarsy halyqaralyq küres künı atap ötıledı. Osy künge orai Nūr-Sūltanda jastardy esırtkıge täueldılıkten qorǧau jäne osy problemaǧa qoǧam nazaryn audaru üşın «Jastar esırtkıge qarsy» festivalı ūiymdastyryldy.
«26 mausym – naşaqorlyqqa qarsy küres künı. Būl kün 1987 jyldan bastap BŪŪ şeşımımen atap ötıledı. 35 jyl būryn barlyq küş-jıgerdı bırıktıru turaly şeşım qabyldandy. Būl kündı mereke dep aitu qiyn, kerısınşe, esırtkıge qarsy küreske bei-jai qaramaityn adamdardy bırıktıretın kün. Äsırese jazǧy demalysta esırtkı şeguşıler jastardyŋ psihologiialyq jetılmegendıgın paidalanyp, olardy esırtkınıŋ zaŋsyz ainalymyna tartady, iaǧni olardy kepılger retınde jūmys ısteuge şaqyrady. Jastar jūmystyŋ mänın tüsınbei, osy aila-amalǧa aldanyp qalady, öitkenı olar būl üşın qandai jauapkerşılık kütıp tūrǧanyn bılmeidı» dep atap öttı QR IIM Esırtkı qylmysyna qarsy ıs-qimyl departamentınıŋ basqarma bastyǧy Baqytjan Ämırhanov.
Is-şaraǧa tanymal sportşylar, şyǧarmaşylyq ūjymdar jäne estrada jūldyzdary qatysty. Olar sahnada söz söilep, jastardy esırtkı qylmysyna qarsy küreste bırıguge şaqyrdy.
