Astanada prokuraturanyŋ aralasuynan keiın elektr energiiasy üşın artyq tölem jasaǧan tūrǧyndarǧa aqşalary qaitarylyp jatyr.
Biyl äleumettık jelılerde elorda tūrǧyndarynan elektr energiiasy üşın joǧary şottar belgılengenı turaly jariialanymdar jiılep kettı. Būl mäsele qala prokuraturasynda uäkılettı organdardyŋ, äkımdıktıŋ jäne qyzmet körsetuşılerdıŋ («Astana-AEK» AQ jäne «Astanaenertūtynu» JŞS) qatysuymen talqylandy.
Anyqtalǧandai, energiiamen jabdyqtauşy ūiymnyŋ derekterdı qabyldap-jinaqtaudy tiıstı ūiymdastyrmauynan tūtynylǧan elektr energiiasynyŋ kölemı dūrys eseptelmegen. Köptegen astanalyqtarǧa ortaşa täulıktık kölem eseptelgen. Osylaişa esepteu qūraldarynyŋ körsetkışterıne säikes abonent naqty qabyldaǧan energiia mölşerı üşın energiia tölemın jürgızu turaly Azamattyq kodekstıŋ 488-babynyŋ talaptary būzylǧan.
Saldarynan qala tūrǧyndaryna ülken mölşerde esepşottar kelgen, – delıngen Bas prokuratura mälımetınde.
Eske salaiyq, män-jaidy anyqtau üşın qala tūrǧyndary «Astana-AEK» AQ men «Astanaenergotūtynu» JŞS-nıŋ tabaldyryqtaryn tozdyruǧa mäjbür bolǧan edı.
Köptegen adamdardyŋ qūqyǧy būzyluyn eskere otyryp, qala prokuraturasy Bas prokuratura arqyly Tabiǧi monopoliialardy retteu komitetıne qadaǧalau aktısın engızdı. Uäkılettı organ elektr energiiasy üşın negızsız esepteuge jol bergen subektılerge tekseru jürgızu turaly mäselenı qarauy qajet. Būzuşylyqtar anyqtalǧan jaǧdaida zaŋda közdelgen den qoiu şaralaryn qabyldaidy. Qazırgı uaqytta «Astana-AEK» AQ bırneşe on myŋdaǧan abonentke elektr energiiasynyŋ kölemın qaita böldı. Esepteulerdı tüzetu jūmystary jalǧasyp jatyr jäne prokuraturanyŋ baqylauynda, – delıngen vedomstvo mälımetınde.
Aita keteiık, elektr energiiasy üşın artyq tölem jasaǧan tūrǧyndar men mekemeler Tabiǧi monopoliialardy retteu jönındegı qalalyq departamentke öz betımen de jügıne alady.
