«Astana» – alty dürkın chempion

Jeksenbı künı futboldan Qazaqstan chempionaty märesıne jettı. «Astana» altynşy märte qatarynan el chempiony ataǧyn jeŋıp aldy.Ūlttyq bırınşılık aiaqtalmai-aq jeŋımpaz atanyp ülgergen «Astana» soŋǧy oiyndy öz janküierlerı aldynda ötkızıp, ökınışke qarai, «Ertıs» komandasynan 0:2 esebımen ūtylyp qaldy. Būl oiynnyŋ turnir kestesıne eşqandai özgerıs äkelmeitını äser ettı me, äiteuır, astanalyqtar qarsylyq körsetuge därmen tanytpady.
Matchtan keiın el chempionyn marapattau räsımı öttı. Qazaqstan futbol federasiia­synyŋ Bas hatşysy Azamat Aithojin men Qazaqstan käsıpqoi futbol ligasynyŋ basşysy Oljas Abraev «Astana» komandasyna chempiondyq «Altyn tabaq» jüldesın tabys ettı.«Astana» aldaǧy jyly UEFA Chempiondar ligasynda, al kümıs jüldeger «Qairat», qola jüldeger «Ordabasy» jäne Qazaqstan kubogynyŋ jeŋımpazy «Qaisar» Europa ligasynda el namysyn qorǧaityn boldy.
Qazaqstan chempionaty premer-ligasynyŋ bombardirlerı bolyp qarsylastar qaqpasyna 19 goldan soqqan Marin Tomasov («Astana») pen Aderinsola Eseola («Qairat») tanyldy.Premer-liganyŋ soŋǧy ornynda qalǧan «Aqtöbe» men on bırınşı orynmen şektelgen «Atyrau» kelesı jyly bırınşı ligada oinaityn bolady. Bırınşı liga chempiony atanǧan «Qyzyljar» (Petropavl) men ekınşı oryn alǧan «Kaspii» (Aqtau) premer-ligaǧa köterıldı. Al premer-liga­ny onynşy orynmen aiaqtaǧan «Taraz» ben bırınşı ligada qola jüldeger bolǧan «Aqjaiyq» (Oral) plei-off oiyndarynda joǧary ligada oinau üşın talasady.
Sonymen el chempionaty märesıne jettı. Alaida «Astana» üşın futbol mausymy älı aiaqtalǧan joq. 28 qaraşa künı elordalyqtar UEFA Europa ligasynyŋ toptyq turnirı aiasynda «Manchester Iýnaited» komandasyn qabyldaidy.