Astanada velojol aşyldy
El Täuelsızdıgınıŋ 25 jyldyǧyna orai Astananyŋ «Jasyl beldeuı» aumaǧynyŋ oŋtüstık-batys bölıgınde jalpy ūzyndyǧy 23 şaqyrymǧa sozylatyn jaŋa velojol aşyldy. Saltanatty räsımge Astana qalasy äkımınıŋ orynbasary Ermek Amanşaev qatysty.
– Elorda salauatty ömır saltyn maqsat etken, sporttyq şaralar legın üdetken qalaǧa ainalyp kele jatyr. Osynyŋ jarqyn dälelı retınde «Astana marafony-2016», duatlon, triatlon sekıldı bırqatar sporttyq jarystardyŋ ūiymdastyrylǧanyn atap ötu kerek.
Jaŋa velojol – elordalyqtar üşın keremet tartu. Aldaǧy uaqytta da ony tiımdı etu jaǧyn ūmyt qaldyrmadyq. Mäselen, qys mezgılınde būl velojol şaŋǧy tebuşıler üşın taptyrmas alaŋǧa ainalǧaly otyr, – dedı şahar basşysynyŋ orynbasary.
Derbestıgımızdı aiǧaqtap, mereiımızdı üstem eter Täuelsızdık osylaişa elordalyqtarǧa taǧy bır aqjoltai jaŋalyǧyn tartu ettı. Bokstan Rio Olimpiadasynyŋ chempiony Daniiar Eleusınov bastaǧan balalar men jasöspırımderge arnalǧan №6 sport mektebınıŋ veloşabandozdary men şahar tūrǧyndary salauatty ömır saltyn qalyptastyruǧa baǧyttalǧan şarada jaŋa jolda jarysa velosiped teptı.
Būl bastamany Astana qalasynyŋ Tabiǧi resurstar jäne tabiǧat paidalanudy retteu basqarmasy köterse, «Astana ormany» JŞS qoldau bıldırıp, aşyq aspan astynda ūzyndyǧy bırneşe şaqyrymǧa sozylatyn taqtaidai tegıs velojoldyŋ salynuyna özındık ülesın qosty. Aita ketu kerek, enı 2 metrdı qamtityn jol – zamanaui ülgıdegı barlyq tehnikalyq talaptar men standarttardy saqtai otyryp jasalǧan ärı elımızde orman ışınde ornalasqan tūŋǧyş velojol. Rasynda da, ainalasy aǧaşqa toly «Jasyl beldeu» qaladan tysqary ornalasqandyqtan bolar, megapolistıŋ qym-quyt tırlıgınen ada. Sol üşın de velosportqa äuesı bar astanalyqtar üşın taptyrmas mekenge ainalary sözsız.
Sondai-aq, velojol boiynda dem aluǧa mümkındık beretın 6 kürke ornatyldy. Iаǧni, jüitkıp kele jatyp, şarşap-şaldyqsaŋyz, kürkege kırıp, azdap tynyǧyp alasyz, boiyŋyzǧa küş-qairat jinap, qaita attanasyz.
Al küllı älem köz tıkken Rio Olimpiadasynda jeŋıske jetıp, el mereiın asqaqtatqan Daniiar Eleusınov el egemendıgınıŋ 25 jyldyǧy qarsaŋynda ūiymdastyrylǧan sporttyq şaranyŋ, äsırese, jastarǧa berer paidasy köp ekendıgın erekşe atap öttı. «Özderıŋız baiqaǧandai, būl – jarys emes, köpşılıktı ūiystyrǧan būqaralyq veloşeru, maqsat – jaŋadan salynǧan velojolmen jürıp ötu jäne sporttyŋ adam densaulyǧyna berer mol paidasyn taǧy bır märte däleldeu. Özım egemendıktıŋ qūrdasymyn. Sondyqtan el üşın orny erek mereke qarsaŋynda ūiymdastyrylǧan veloşeruge qatysqanyma quanyştymyn» dedı älem chempiony.
Auqymdy şaraǧa 80-nen asa adam qatysty. Aita ketu kerek, İlinka kentınen bastau alǧan jol Qosşy eldı mekenıne deiın jalǧasady. Bärı de taza auamen tynystap, mejelegen qaşyqtyqty baǧyndyrdy. Osylaişa, elordalyqtar sportqa degen yntasyn taǧy bır märte däleldei tüstı.
Ämır DOSQOJA