Qys qatal synşy
Elordada qys mezgılınde jūmys jürgızuge ekı myŋǧa juyq tehnika daiyn tūr.
Astanada alǧaşqy qar ūşqyndap, kün suyta bastady. Būl qūbylys aldymyzda qys kele jatqanyn aŋǧartty.
«Qys – qatal synşy» degendı aldyn ala eskergen Astana äkımı Äset İsekeşev elordanyŋ qysqy mausymǧa daiyndyǧyn qadaǧalap, kommunaldyq qyzmetterdıŋ jūmys jaǧdaiymen tanysty. Biylǧy qysta qala köşelerın qardan tazalau jäne ony şyǧaruǧa üş myŋdai adam jäne ekı myŋǧa juyq arnaiy tehnika jūmyldyryldy. Tehnikalar qala audandarynyŋ aumaǧyna, jūmys auqymyna qarai bölıngen. Atap aitqanda, Almaty audanynda – 395, Saryarqa audanynda – 349, Esıl audanynda 294 mamandandyrylǧan tehnika jūmys ısteitın bolady.
«Astana tazalyq» jäne «Astana kögaldandyru qūrylysy» käsıporyndary da qysqy mausymǧa tehnikalaryn tügeldei daiyndap qoiǧan.
Qaladaǧy kommunaldyq tehnikanyŋ bır bölıgı gazǧa auystyrylǧan.
Biylǧy mausymda köktaiǧaqty boldyrmau üşın pilottyq joba aiasynda jaŋa buyndaǧy «Aismelt» atty 1141 tonna reagent qoldanylatyn bolyp otyr. Būl qospany paidalanu kezınde joldar men trotuarlarda kır daqtar bolmaidy. Sonymen qatar, 26 238 tekşe metrge eseptelgen qūm-tūz qospasy da daiyndalǧan.
Qys kezındegı nauqandyq jūmystardy jürgızetın mekemeler men käsıporyndardyŋ jūmysymen tanysqan qala basşysy jauapty mamandarǧa tapsyrmalar jüktedı.