BAQYTTY BOLAŞAQ BAǦDARY
Ötken beisenbı künı «Qazaqstan» ortalyq konsert zalynda Esıl audany äkımı apparatynyŋ ūiymdastyruymen Memleket basşysynyŋ Qazaqstan halqyna arnaǧan «Nūrly jol – bolaşaqqa bastar jol» Joldauynyŋ negızgı baǧyttaryn tüsındıru maqsatynda halyqpen kezdesuı ötkızıldı.
Is-şaraǧa Astana qalasynyŋ basqarmalar, kommunaldyq käsıporyndar basşylary men audannyŋ memlekettık qūrylymdary men ūiymdarynyŋ qyzmetkerlerı qatysty.
Jinalǧandar aldynda Astana qalasy äkımınıŋ orynbasary A.Balaeva men L.N.Gumilev atyndaǧy Euraziia ūlttyq universitetınıŋ prorektory, filologiia ǧylymdarynyŋ doktory D.Qamzabekūly Elbasy Joldauynda aitylǧan bırqatar mäselelerge toqtaldy.
Eldık ūstanymdar, ūrpaq sabaqtastyǧy, Mäŋgılık el, bılım, ǧylym taqyrybynda söz örbıtken ǧalym D.Qamzabekūly Joldaudaǧy negızgı jetı baǧyt memlekettıŋ örkendeuı men jastardyŋ bolaşaǧyna bailanysty jasalatyn zor qamqorlyqqa toly ekendıgın aitty.
Al, öz sözınde Aida Ǧalymqyzy «Bızdıŋ osy qol jetken jetıstıgımız, eŋ bırınşı, eldıŋ bırlıgı men tatulyǧynyŋ, qoǧamdaǧy saiasi tūraqtylyq pen auyz bırlıktıŋ arqasynda mümkın boluda. Täuelsızdıktıŋ nyǧaia tüsuı är adamnyŋ jaqsy nietı men jauapkerşılıgıne bailanysty bolmaq. Qazır bızdıŋ äleumettık jaǧdaiymyz jyldan-jylǧa jaqsaryp keledı. Mıne, Elbasynyŋ köregendık saiasatynyŋ nätijesınde qūrylǧan Ūlttyq qordan bölınetın qomaqty qarjy sol qol jetken jetıstıkterdı tömendetpeuge mümkındık beredı» dei kelıp, elordadaǧy mektepke deiıngı bılım beru, balany balabaqşaǧa ornalastyru mäselelerınıŋ özektılıgıne, būl rettegı memlekettık jäne jeke menşık ärıptestık tetıkterıne, halyqty jūmyspen qamtu salasynda atqarylyp jatqan şarualardyŋ pärmendılıgıne toqtaldy.
Jyl basynan berı 62,6 myŋ zeinetkerge, 235 soǧys ardagerı men qatysuşysyna, 19,4 myŋ mügedek pen 5,5 myŋǧa juyq köp balaly otbasyna, 8 myŋnan astam tūrmysy tömen azamat pen köp balaly anaǧa – barlyǧy 83 myŋ adamǧa äleumettık kömek körsetılgen.
– Keiıngı jyldary jastar arasynda jūmyssyzdyq deŋgeiı ekı ese azaidy. Būl – elorda siiaqty köşı-qon qarqyny joǧary qala üşın öte jaqsy körsetkış. Eŋbek ete otyryp, el ekonomikasyn örkendetuge osy jıgıtter men qyzdardyŋ qosar ülesı zor. Bolaşaqta täuelsız elımızdıŋ tūǧyry biıktep, qaryştap damuy üşın sapaly bılım, sanaly tärbie alǧan otansüigış jastar ǧana bar belestı baǧyndyra alady. «Nūrly jol – bolaşaqqa bastar jol» baǧdarlamalyq qūjatynda Prezident bırşama tapsyrmalar berdı, olardyŋ oryndaluyna qarajat böldı. Endı, bız sol belgılengen mındetterdı jüzege asyru üşın jūmysqa belsene kırısuımız kerek» dedı qala äkımınıŋ orynbasary.
Saǧi ORAL