Baqytjan MALYBAEV, Astana qalasy IID Jergılıktı polisiia qyzmetınıŋ basşysy: Tūrǧyndarmen tıkelei bailanysqan tiımdı

Astana qalasy IID Jergılıktı polisiia qyzmetınıŋ basşysy, polisiia polkovnigı Baqytjan Malybaev elorda tūrǧyndarynyŋ saualdaryna internet-konferensiia arqyly jauap berdı. Ekı saǧat ışınde qalalyq departamenttıŋ saityna jäne telefon arqyly eluge juyq saual kelıp tüsken. Tūrǧyndardyŋ köbı qalanyŋ qauıpsızdık mäselesıne alaŋdaidy. Keibırı uchaskelık inspektorlardyŋ jūmysyn synǧa aldy. Ol öz kezegınde qyzmettık tekserıs jürgızuge uäde berdı.

«Tūrǧyndardyŋ belsendılıgın eskere otyryp, aldaǧy uaqytta paidaly konferensiiany jiı ötkızu kerek. Ärbır basşyǧa halyqpen tıkelei bailanysqan tiımdı. Mäselenı bırınşı bolyp anyqtaǧan soŋ, jūmysty ūiymdastyru jeŋıl bolady» dedı konferensiia qorytyndysynda söz alǧan Baqytjan Malybaev. Nazarlaryŋyzǧa konferensiiada köterılgen kei­bır saualdardyŋ jauabyn ūsynamyz.

Elordada 795 baqylau kamerasy bar

Äliia: Astana joldarynda qanşa beinekameralar jūmys ısteidı? Jyl basynan berı qanşa jol kölık oqiǧasyn tırkedı? Qūqyq būzuşylardy jazalauǧa ne kedergı?
Jauap: Elordamyzda 795 beinebaqylau ornatylǧan. Jyl basynan berı 30 myŋnan astam qūqyq būzuşylyq tırkeldı. Būǧan qosa, Jergılıktı polisiia qyzmetkerlerı kün saiyn 100-ge juyq qūqyq būzuşylyqty anyqtaidy. Bärıne zaŋ aiasynda şeşım qabyldanady.

Küljamal Jamaldinova: Men on jylǧa juyq ötılı bar jürgızuşımın. Maǧan baǧ­dar­şam toqtap qalǧan kezde, jol qozǧalysyn retteitın qyz­metkerlerdıŋ jūmysy ūna­maidy. Ünemı keptelıs tudyrady. Mäselen, Qabanbai ba­tyr köşesındegı Sirk pen «QazMūnaiGaz» arasy – bıt­peitın keptelıs. On jyl ışınde tek bır ǧana jol retteu­şınıŋ jūmy­sy ūnady. Jalpy, olardyŋ bılıktılıgın arttyruǧa nazar audaryŋyzşy.
Jauap: Jol polisiiasynyŋ qyzmetkerlerı tek şūǧyl jaǧ­daida ǧana jol qozǧalysyn qolmen retteuge şyǧady. Olardyŋ käsıbi bılıktılıgın arttyru ünemı jürgızıledı.

Maira: Jyl basynan berı elordada qanşa äiel küieuınen nemese basqa azamattardan tūrmystyq zardap şektı? Eger küieuı äielın qorqytyp, ünemı qoŋyrau şalyp, är basqan qadamyn aŋdyp jürse, polisiia şyn mänınde onyŋ äielın qorǧai ala ma?
Jauap: Jyl basynan berı küieuı nemese bırge tūratyn adamynan zorlyq körgen 3000-dai äiel habarlasqan. Barlyq derek boiynşa zaŋ aiasynda şeşım qabyldandy.

Äkımşılık jauapqa 20 myŋ adam tartyldy

Säule: Brusilovskii köşe­sındegı «Amangeldı» tūrǧyn üi keşenınde tūramyn. Sūraiyn degenım, soŋǧy kezde aulaǧa şlagbaum ornatty. Onyŋ basqaru pultın 10 myŋ teŋgege satyp alu kerek. Ony aluǧa ärkımnıŋ jaǧdaiy kele bermeidı. Bızdıŋ üide köptegen zeinetkerler tūrady, olarǧa jedel järdem kölıgı jiı keledı. Ärmen qarai ne bolady?
Jauap: Atalmyş kedergınıŋ zaŋdy nemese zaŋsyz ekenın anyqtau maqsatynda körsetılgen mekenjaiǧa Äkımşılık polisiia qyzmetkerlerı barady.

Bolat: Qalada kölıgı eskı nemese normadan tys tütın şyǧaratyn avtokölıkterdı jiı köremın. Olar qalanyŋ syrtqy kelbetın ǧana qūrtpai, ekologiiaǧa da ziianyn tigızbei me?
Jauap: Būl boiynşa jū­mystar atqaryluda. Kölık­tıŋ tehnikalyq jaǧdaiy, bel­gı­lengen SO talaptaryn saq­tamau jıtı qadaǧalanady. Osy mäselege bailanysty 20 myŋǧa juyq jürgızuşı äkımşılık jauapkerşılıkke tartyldy. Būl şara jalǧasyn tabady.

Aijan: Avtobusqa jiı mıne­mın. Baiqaǧanym, keibır jürgızuşıler avtobus ışınde temekı tarta beredı. Qaida habar­lasqan jön?
Jauap: Sız «102» telefonyna habarlasyŋyz nemese Astana qalasy IID jäne qala äkımdıgınıŋ saityndaǧy «halyqtyq baqy­lau» aidaryna künın, uaqytyn, qūqyq būzuşylyq oryn alǧan mekenjai, sondai-aq avtobus baǧyty men memlekettık nömırın körsetıŋız.

Äset: Jūmabev, Taha Husein köşelerınde tura joldyŋ üstınde qaiyr sūraityndar köbeiıp barady. Būl olardyŋ ömırıne qauıptı emes pe?
Jauap: Qoǧamdyq oryndarda qaiyr sūraityndarǧa kündelıktı baqylau jürgızıledı. 2000-ǧa juyq qūqyq būzuşy äkımşılık jauapqa tartyldy.

Oquşylardy qaqqan «Leksus» kımdıkı?

Saual: Ötkende «Lek­sus» markaly kölık oquşy­lardy qaǧyp ketken edı. Jürgızuşınıŋ kım ekenı anyqtaldy ma? Ony qandai jaza kütıp tūr?
Jauap: Jürgızuşınıŋ aty-jönı anyqtaldy. Qazır sotqa deiıngı tergeu jürgızılude. Sot-medisinalyq saraptama qorytyndysy daiyn bolǧannan keiın, prosessualdy şeşım qabyldanady.

Güljan: Tılendiev köşe­sınıŋ uchaskelık inspektory Erlan Şaimerdenovtıŋ jūmysyna köŋılımız tolady. Jauapkerşılıgı mol, adal, öz ısın jetık bıletın qyzmetkerıŋızge alǧys aitamyz.
Jauap: Sızdıŋ alǧysyŋyz jeke qūramǧa jetkızıledı. Qyz­mettık mındetın adal atqarǧan inspektor yntalandyrylady.

Berık: Astananyŋ ainalasynda jekemenşık tūrǧyn üiler köp. Qūqyq qorǧau organdaryna şetkı audan tūrǧyndaryna nazar audaruyn sūraimyn.
Jauap: «Uchaske» ıs-şarasy aiasynda polisiia inspektorlary özderıne tiıstı aumaqqa tü­gel tekseru jūmystaryn jür­­gızedı. Onyŋ ışınde qala­nyŋ syrtyndaǧy ärbır jeke üiler men saiajailar tekserıledı.

Serık: Jedeldık jäne tūr­ǧyndarmen tyǧyz bailanys üşın polisiia inspektory özı tūratyn aumaqta qyzmet ısteidı degen mäsele köterılgen edı. Būl mümkın be?
Jauap: Būl mäsele älı künge deiın özektı. Osyǧan bailanysty jergılıktı atqaruşy organmen bırlese qarastyrudamyz.

Temekıge tyiym bolsa…

Saual: Balalar oinaityn alaŋdarda ülkender temekı jiı tartady. Osyny körgen 4 jastaǧy balam ülkeigende temekı tartamyn deidı. Balalar jiı baratyn oryndarda temekı tartuǧa zaŋ boiynşa tyiym saluǧa bolmai ma?
Jauap: Jergılıktı polisiia qyzmetı Astana qalasynyŋ äkımdıgıne balalar alaŋdarynda, skverler men saiabaqtarda temekı tartuǧa tyiym salatyn ūsynys joldaǧan bolatyn. Işkı saiasat basqarmasy osyǧan bailanysty äleumettık saualnama jürgızgen. Tūrǧyndardyŋ basym bölıgı būl ärekettı qoldaityndyqtaryn bıldırgen. Qazırgı uaqytta zaŋ aktılerıne özgerıs engızu jūmystary qolǧa alyndy.

Mänsiia: Astanada qanşa uchaskelık inspektor bar, olardyŋ jalaqysy qandai? Bır uchaskelık inspektor bır orynda qanşa uaqyt ısteidı? Olardyŋ jūmysy qalai baǧalanady?
Jauap: Uchaskelık inspektor­lardyŋ jūmysyna qyzyǧuşylyq tanytqanyŋyzǧa alǧys aitamyn. Jalaqynyŋ azdyǧynan kadr tapşylyǧy baiqalady. Būl boiynşa IIM men qala äkımdıgıne mäsele köterdık. Qazırgı taŋda qaraluda. Jalpy, olardyŋ jūmysy ünemı baqylauda.

Almagül: Jaŋa oqu jyly bastalǧanda syrttan studentter men jūmysşylar köp keledı. Bügınde ärbır üi syrttan kelgen azamattarǧa päterın jalǧa beredı. Olardyŋ qatysuymen qūqyq būzuşylyq jiı tırkele me?
Jauap: Būl – özektı mäsele. Qūqyq būzuşylardyŋ teŋ jartysy – özge qaladan kelgender. Öz tarapymyzdan qūqyq būzuşylyqtyŋ aldyn alu üşın tūrǧyndarǧa tüsındıru jūmystaryn jürgızemız, äsırese, jastarmen bolǧan kezdesulerde jiı köteremız.

Saual: Äpkemnıŋ üiınde künde qyrǧyn. Jezdem tıptı qol köteruge deiın barady. Bırneşe ret uchaskelık inspektorǧa habarlastyq. Ol aryz jazudy sūrapty. Kuäger retınde özım şaǧymdansam bola ma?
Jauap: Astana qalasy IID Jergılktı polisiia qyzmetınıŋ Äielderdı tūrmystyq zorlyqtan qorǧau bölımıne habarlasyp, aqparat alyŋyz. Tel: 71-60-63.

Saual: Üidıŋ bırınşı qaba­tynda kafe ornalasqan. Ol jerde ışımdık ışetınder jiı jinalady. Tüngı tynyştyǧymyzdy būzady. Jalpy, bırınşı qa­battaǧy osyndai kafelerdı ja­uyp tastauǧa bola ma?
Jauap: Jergılıktı polisiia qyzmetı qala äkımdıgıne tüngı 23.00-den keiın osyndai oryndardyŋ jūmysyn şekteu turaly ūsynys joldady, qazırgı uaqytta qaraluda.

Daiyndaǧan:
Gülmira AIMAǦANBET