Bügıngı taŋda elordanyŋ densaulyq saqtau salasynda jüzden astam qyzmetker jetıspeidı. Būl turaly Astana qalasynyŋ qoǧamdyq densaulyq saqtau basqarmasynda ötken otyrysta talqylandy.
Mamandardyŋ aituynşa, bügınde elordada 1,7 myŋnan astam därıger jäne 2,6 myŋnan astam orta medisina qyzmetkerı bar. Degenmen qalanyŋ densaulyq saqtau salasyndaǧy problemalardyŋ bırı – kadr tapşylyǧy. Qazır Astanada 140 därıger jetıspeidı. Vedomstvonyŋ mälımetınşe, medisina qyzmetkerlerı üşın jaǧdai jasalǧan. Atap aitqanda, 2020 jyldan bastap därıgerlerdıŋ ortaşa jalaqysy 60%-ǧa östı, iaǧni därıgerler jalaqysy 210 myŋ teŋgeden 300 myŋ teŋgege deiın köterıldı. Al orta medisinalyq personaldyŋ jalaqysy 50%-ǧa, iaǧni 130 myŋ teŋgeden 180 myŋ teŋgege deiın artty. 2023 jyly därıgerlerdıŋ jalaqysyn taǧy 35%, al orta medisinalyq personaldyŋ jalaqysyn 10%-ǧa arttyru josparlanyp otyr. 2020 jyly elordanyŋ jergılıktı biudjetınen 21 mamandyq (283 grant) boiynşa medisina mamandaryn daiarlau üşın 550 mln teŋgeden astam qarajat bölındı. Bügıngı taŋda 243 student bılım alyp jatyr. Kadr tapşylyǧy mäselesın şeşu maqsatynda 2022-2023 oqu jylynda 245 grantqa qarjy bölındı. Soŋǧy üş jylda orta medisinalyq personaldy daiarlauǧa 750 grant bölındı (jyl saiyn 250 granttan).
Elordada 1,7 myŋnan astam därıger jäne 2,6 myŋnan astam orta medisina qyzmetkerı bar. Degenmen qalanyŋ densaulyq saqtau salasyndaǧy problemalardyŋ bırı – kadr tapşylyǧy. Qazır Astanada 140 därıger jetıspeidı
Bügıngı taŋda elordanyŋ densaulyq saqtau salasynda 314 medisinalyq ūiym bolsa, sonyŋ 31-ı qala äkımdıgıne qaraidy. Odan bölek 1 jedel järdem stansasy men özge de ūiymdar, atap aitqanda, Joǧary medisina kolledjı, arnaiy medisinalyq jabdyqtau bazasy, mamandandyrylǧan balalar üiı, Patologoanatomiialyq biuro men AİTV-men küres jäne profilaktikasy boiynşa ortalyq bar. QR strategiialyq josparlau jäne reformalau boiynşa Agenttıktıŋ Ūlttyq statistika biurosy departamentınıŋ derekterıne süiensek, elordada qazırgı taŋda 1 340 782 adam tūrady. Ötken 10 aidyŋ ışınde qalanyŋ Jedel järdem qyzmetı 550 myŋ şaqyrtu boiynşa qyzmet etken, qala stasionarlarynda şamamen 120 myŋ adam emdelıp şyqqan. 50 myŋnan astam ota jasalyp, BMSK ūiymdaryna qaralǧandar sany 5 mln adamnan asqan. Onyŋ 2 mln-nan astamy salalyq därıgerlerge qaralǧan.
