Elordamyzdaǧy «Jastar» saraiy – baiyrǧy mädeniet jäne sport keşenı. Mūnda astanalyqtar men qala qonaqtary üşın türlı şyǧarmaşylyq üiırmeler tūraqty jūmys jürgızedı.
Aldaǧy jeksenbı, 9 qyrküiek künı aituly öner ordasynyŋ jaŋa mausymy aşylady. Saltanatty şara aiasynda saraidyŋ jazǧy sahnasynda şyǧarmaşylyq ūjymdardyŋ qatysuymen konsert ötedı. Körermender türlı şyǧarmaşylyq ūjymdardyŋ önerın tamaşalai alady.
Sonymen qatar, osy künı jaŋa mausymnyŋ baǧdarlamasyna qarai şyǧarmaşylyq ūjymdarǧa balalardy qabyldau jürgızıledı. Ata-analar balalaryn qalaulary boiynşa osy saraida jūmys ısteitın studiialarǧa bere alady. Keşennıŋ sport zalynda sport türlerımen ainalysuǧa, basseinde jüzu sportyna, sondai-aq densaulyq toptaryna jazyluǧa bolady.
«Jastar» saraiynyŋ şyǧarmaşylyq üiırmelerıne qatysuşylar qalalyq, respublikalyq jäne halyqaralyq mädeni-sporttyq şaralarǧa qatysuǧa mümkındık alady. Mūnda balalar men jastardy öner men sportqa üiretetın käsıbi
mamandar men jattyqtyruşylar ūjymy qalyptasqan.
Atalmyş saraidyŋ taǧy bır erekşelıgı – mūnda jap-jaqsy konsert zaly bar. Onda ünemı otandyq jäne şeteldık ärtıster men öner ūjymdarynyŋ konsertterı ötıp tūrady. Sondai-aq sarai alaŋynda ūlttyq jäne memlekettık merekelerge arnalǧan būqaralyq şaralar da jiı ötedı.
Tüptep aitqanda, «Jastar» saraiy – elordamyzdaǧy köpşılık jinalatyn öner ordasynyŋ bırı.
«Jastar» saraiynyŋ jaŋa mausymynyŋ aşyluyna arnalǧan Aşyq esık künı jazǧy sahnada saǧat 13.00-15.00 aralyǧynda ötedı.
