Avtobus Bögenbai daŋǧylymen jüitkıp keledı. Saryarqa daŋǧylynyŋ qiylysyna jete bergenı sol, aldyŋǧy oryndyqqa jaiǧasqan kışkentai bala äkesıne qarap şaŋq ete qaldy:
–Äke, mynau Bögenbai batyr emes pe?!
–İä, balam.
–Sonda anau artynda tūrǧan dükendı ol qaidan bıledı?
–Joǧ-a-a, bılmeidı. Ol joŋǧar şapqynşylyǧy kezınde ömır sürgen ǧoi.
–Joq, bıledı. Men bılıp tūrmyn. Äne, qaraŋyzşy, « 5 minut» dep körsetıp tūr özı.
Eldıŋ bärı kışkentai bala nūsqaǧan jaqqa qarady. Rasynda, Bögenbai batyrymyz (müsın) bes sausaǧyn barynşa tarbita aşyp tūr. Al, däl art jaǧynda qaq maŋdaişasynda ülken qyzyl ärıptermen jazylǧan «5 Minut» ämbebap dükenı men mūndalaidy.
Äkesı balasyna jauap bermedı.
P.S «Endı jetpegenı – el namysyna tūtqa bolǧan batyrymyzdy jarnamaǧa aralastyru edı…» degen küiı aialdamadan tüsıp bara jattyq.
Qazaq pen mazaq
Astana qalasynda bıldei banktıŋ filialyn basqaryp otyrǧan azamattyŋ bırauyz pıkırı qajet boldy.
Telefondy alǧan boida älgı aǧamyz qazaqşa jauap beruge qinalatynyn jetkızdı. Qazaq gazetınen ekenımdı aityp edım, «oqasy joq, men qazır tūtqany audarmaşyǧa beremın» dedı. Men saualymdy qoidym. Tūtqanyŋ ar jaǧyndaǧy qazaq qyz ärbır sözımdı taqyldap bastyǧyna audaryp berdı. Ol kısı jauabyn aitty. Kelısıp alǧandai, audarmaşy qazaq tılınde maǧan qaitalady. Ekınşı saualdyŋ da jauaby osylai alyndy. Bır pıkırdı aluǧa, bır saǧat uaqyt kettı. Özı de şarşaǧan bolu kerek, tūtqanyŋ ar jaǧynan «Orysşa bılmeitın qandai jurnalist» dep qoiyp qaldy. Mezı bolǧan men de tärjımäşıden telefondy bastyǧyna beruın sūradym. Alǧan boida, «Pozor, esli kazah s kazahom obşaiutsia cherez perevodchika» dedım. Ol uäj aitpady. Eŋ bastysy, tüsındı. Tūtqany tastai saldy.
Gülmira AIMAǦANBET
