Memleket basşysy N.Nazarbaevtyŋ «Qazaqstan — 2050» strategiiasy: qalyptasqan memlekettıŋ jaŋa saiasi baǧyty» atty halyqqa arnaǧan Joldauy elımızdıŋ strategiialyq basymdyqtaryn aiqyndap, maqsatty mejege jetudıŋ mehanizmderın tüzetın maŋyzdy qūjatqa ainalyp ülgerdı.
1997 jyly qabyldanǧan «Qazaqstan – 2030» strategiialyq baǧdarlamasy elımızdıŋ atalǧan uaqyt aralyǧynda qandai mejege jetetının körsetken bolatyn. Qajyrly eŋbek pen dūrys oilastyrylǧan jospar nätijesınde memleketımız 2012 jyldyŋ özınde-aq alǧa qoiǧan asudy baǧyndyryp, elımızdıŋ 2050 jylǧa arnalǧan josparyn belgılep aldy.
Prezidentımızdıŋ 2050 jyly Qazaqstandy älemnıŋ ekonomikasy damyǧan 30 elınıŋ qataryna engızudı baǧdar etken kezektı joldauy özektı salanyŋ eşbırın ainalyp ötpedı. Onyŋ bırı – dın salasy. Hanafi mäzhabynyŋ qazaq halqynyŋ tarihyndaǧy rölın erekşe atap körsetken Elbasymyz azamattardy dästürdı mansūq etetın radikaldy aǧymdardan abai boluǧa şaqyrdy. Şynynda da, dındı saiasilandyru arqyly adamdar arasynda dürdarazdyq tudyru, dın ılımderın būrmalau jolymen azamattardy memleketke, dästürge, tuǧan-tuystaryna qarsy qoiu eşbır dınde qūptalǧan emes. Bız sanaly azamat retınde mūndai qauıp-qaterge jol bermeuge tiıspız.
Qoryta aitqanda, būl Joldau, el tūrǧyndarynyŋ maqsat-müddesıne arnalyp, halyqtyq keŋ qoldauǧa ie bolyp otyr.
J. DÄURENOV,
Astana qalasy Dın ısterı
departamentınıŋ direktory