Qala äkımı Altai Kölgınov qalalyq mäslihattyŋ kezekten tys XIII sessiiasyna qatysyp, deputattarǧa elordanyŋ äleumettık-ekonomikalyq damu barysy jönınde esep berdı. Öz esebınde şahar basşysy atqarylǧan jūmystar, aldaǧy jospar, özektı mäselelerdı şeşudıŋ jai-japsaryna toqtaldy.
– Elorda Almatydan Aqmolaǧa köşırılgen alǧaşqy jyldardan berı äkımşılık-ıskerlıktıŋ ordasy boluymen bırge käsıpkerlıktıŋ de qalasy retınde qalyptasyp keledı. Mäselen, qalanyŋ biylǧy respublikalyq biudjetke jasaityn tüsımı 1 trillion 211 milliard teŋge kölemınde bolady dep boljanyp otyr. 2007 jyly būl körsetkıştıŋ 134,7 milliard teŋge bolǧanyn esepke alsaq, qalanyŋ ekonomikalyq körsetkışterınıŋ damu qarqynyn aŋǧaru qiyn emes.
Ekonomikalyq körsetkışterdıŋ artuy qaladaǧy bırqatar özektı äleumettık mäselelerdı şeşuge de negız boldy. Mäselen, ötken jyly qalada 8 üş auysymdy mektep bolsa, biyl olardyŋ sany ekı ese tömendedı. Al oquşylardyŋ sany mekteptıŋ syiymdylyǧynan edäuır artqan mektepterdıŋ sany 22-den 14-ke deiın azaidy.
Koronavirustyq infeksiianyŋ taraluy bızge ülken sabaq boldy. Sondyqtan qalaǧa taǧy infeksiialyq stasionar salu qajettılıgı tuyndap otyr.
Qala tūrǧyndaryna ömır süruge qolaily orta jasaudyŋ barlyq tetıkterı qarastyrylǧan «Nūr-Sūltan – jaily qala» şeber jospary bekıtıldı. Jospar qala tūrǧyndarynyŋ negızgı qajettılıkterımen bırge şahardyŋ şyraiyn keltıretın jobalardy da qamtidy, – dedı Altai Seidırūly.
Şahar basşysy qalamen bırge qala maŋyndaǧy tūrǧyn alaptardyŋ nazardan tys qalmaitynyn jetkızdı. Jyl basynan qaladaǧy tūrǧyn alaptarda jalpy ūzyndyǧy 40 şaqyrym bolatyn 78 köşege asfalt töseldı. 6 qoǧamdyq keŋıstık salynyp, 9 aulaǧa tūrǧyndardyŋ bos uaqytyn tiımdı ötkızuıne arnalǧan infraqūrylymmen jabdyqtalǧan.
Bas qalada jyl sanap qarqyn alǧan qūrylys kommunaldyq şaruaşylyq salasynda da auqymdy qajettılıkterdı qajet etedı. Mäselen, qazırgı taŋda elordalyqtar täulıgıne jalpy kölemı 290 myŋ tekşe metr bolatyn auyzsu tūtynsa, qalanyŋ ösuımen tūtynu kölemı de artuy mümkın. Būl mäsele jaŋa sorǧy-süzgı stansasyn paidalanuǧa berumen şeşıledı. Qazır qūrylysy jürıp jatqan nysan ıske qosylǧan soŋ qalaǧa täulıgıne 105 myŋ tekşe metr kölemınde tırşılık närı berıledı. Sol sekıldı jylumen qamtudyŋ täulıktık körsetkışı de jaŋa jylu elektr ortalyǧynyŋ ıske qosyluymen ūlǧaimaq.
Elordany gazdandyru jobasy aiasynda jeke tūrǧyn üilermen bırge 19 äleumettık nysan men 1,2 jylu elektr ortalyǧy da kezeŋ-kezeŋımen kögıldır otynǧa qosylady. Al jylytu mausymynda kömır tapşylyǧyn tuyndatpau üşın qala äkımdıgı «Qazaqstan temırjoly» aksionerlık qoǧamymen kömır satatyn oryndarǧa künıne 45 vagon qatty otyn jetkızu boiynşa kelısımge keldı. Kömır öndıretın käsıporyndarmen tūrǧyndar tarapynan sūranysqa ie «Qarajyra», «Şūbarköl» sūrypty kömırdıŋ tapşylyǧyn tuyndatpau turaly da kelıssöz jürgızılgen.
Halyq qalaulylaryna esep bergen qala äkımı şahardaǧy äleumettık qorǧau, biznestı damytu, sifrlandyru jobalary men Nūr-Sūltan qalasy boiynşa Nur Otan partiiasynyŋ 2025 jylǧa deiıngı sailaualdy baǧdarlamasyn ıske asyrudyŋ barysyna da toqtalyp öttı.
Qala äkımınıŋ baiandamasynan soŋ qalalyq mäslihat deputattary mektep oquşylaryn tamaqtandyru sapasy, Taldyköl töŋıregındegı qalyptasqan tüitkılder turasynda sūraq qoidy.
Sessiia otyrysynda būdan bölek, qala tūrǧyndaryn kömırmen qamtu, biudjettı tiımdı josparlau, LRT qūrylysy, äuejai maŋyndaǧy jer telımderınde tūrǧyn üi qūrylysyn jürgızuge tyiym salu mäselelesı de köterıldı. Şahar basşysy deputattar tarapynan qoiylǧan barlyq sūraqtarǧa jauap berıp, qala äkımdıgınıŋ elordalyqtardyŋ ömır süru sapasyn arttyru baǧytynda mäslihatpen tyǧyz bailanysta jūmysty jalǧastyra beretının jetkızdı.
