Kenjebolat JOLDYBAI, «Bas redaktorlar Kluby» qoǧamdyq bırlestıgınıŋ prezidentı: Jauapkerşılık saqtamaǧandar ar aldynda jauap beredı

30 qazan künı Qazaqstan Jurnalis­ter odaǧy jäne Bas redaktorlar klubynyŋ  bırlesken otyrysyn­da Qazaqstan Respublikasy jurnalisı­nıŋ etikalyq kodeksı qabyl­dan­ǧan bo­la­tyn. Qalam ielerı­nıŋ qoǧam­dyq jauap­ker­şılıgın arttyratyn, äleu­met müd­de­sıne zalalyn tigızbeuın qa­da­ǧa­laityn qūjat jönın­de «Bas re­dak­­torlar Kluby» QB prezi­den­tı Ken­je­bolat Joldybaimen tıldesken edık.

– Jurnalistıŋ käsıbı men bas­qa da jauapkerşılıgın qamtama­­syz etetın kodekstıŋ qabylda­nuy­na ne türtkı boldy?
– Kodekstıŋ qabyldanuy turaly mäsele būǧan deiın de köterılgen.  Elbasynyŋ «Qazaqstannyŋ äleu­met­tık jaŋǧyrtyluy: Jalpyǧa Ortaq Eŋbek qoǧamyna qarai 20 qadam» maqalasynda aitylǧan ūsy­nystar negızınde  äzırlengen eti­ka­lyq kodeks būǧan deiın elı­­mız­dıŋ är aimaqtarynda qyzu tal­­qy­­­lan­dy. Atalmyş otyrys­ta soŋ­­ǧy ret süzgı­den ötıp, keibır tar­maq­­­ta­ry­na özge­rıs­ter engızıl­gen­­­nen keiın bır auyzdan qabyl­dan­dy. Jur­nalis­­terdıŋ moral­dyq-eti­­­ka­­lyq qaǧi­­dat­tary men käsı­­bi qyz­­­me­tı­nıŋ nor­ma­laryn qalyp­­­tas­­­ty­ru, jūrt­­şy­lyq­tyŋ jurna­­lis­ter men būq­aralyq aqpa­rat qūral­daryna senı­mı men qūr­me­tı artuyna qol jet­kızu mū­ra­ty yq­pal ettı.
– Qūjatta körsetılgen adal­dyq, senımdılık pen şynaiy­lyq­ty qalam ielerı qanşalyq­­ty ūstanady dep oilaisyz?
– Söz – qaru. Būl qarudyŋ artynda qauıp bar. Sondyqtan qalam ūstaǧan jandar söz qadırın ūǧynyp, ışkı tar müddelerge ūmtylmau kerek. Ösek-aiaŋnan aulaq, aqyl men sanany bılıktılıgımen ūştastyryp jūmys ıstei bılgenı abzal. Bız – köp ūltty elmız. Tatulyq pen ış­kı tūraqtylyqty saqtaudy, qo­ǧam müddesın qaşanda bırınşı oryn­ǧa qoiǧan jön. Al mūndai jauap­kerşılıktı saqtamaǧandar aldymen ar-ūiaty aldynda jauap beredı.
– Būl kodeks jurnalisterdıŋ märtebesın memlekettık qyzmet­kerlerdıŋ deŋgeiıne deiın kö­tere ala ma?
– Būl turaly Bas redaktorlar kluby tarapynan köterılıp jür. Jurnalistıŋ märtebesın arttyru turaly būǧan deiın de aitylyp kelgen. Älı de aityla beredı. Ko­deks būl mäselenı tübegeilı şe­şe almasa da, kömekşı boluy müm­kın. Öitkenı, bilık pen jur­­na­­lis­terdıŋ arasy bır taban jaqyn. Jur­nalister qauzaǧan mäsele­­lerdı bi­lık ökılderı şeşuge, jüzege asy­ruǧa moiyn būryp, mūryn­dyq bolady.