Körmede – soǧys tarihy
Elordada ekı märte Keŋes Odaǧynyŋ batyry, aty aŋyzǧa ainalǧan ūşqyş Talǧat Bigeldinovtıŋ 100 jyldyǧyna orai «Ūly Otan soǧysy jyldaryndaǧy Qazaqstan» atty köşpelı körme öttı.
Memlekettık äskeri-tarihi muzeiı ūiymdastyrǧan körme qonaqtary Ūly Otan soǧysyna qatysqan qazaqstandyqtardyŋ jeke zattarymen, arhivtık qūjattarmen jäne taǧy basqa jädıgerlermen tanysty. Būl qatarda Talǧat Bigeldinovten qalǧan jädıgerler de boldy.
Ekı jyl ışınde ol İL-2 şabuyldauşy ūşaǧymen 305 märte ūşqan. Oǧan eŋ jauapty degen, mäselen, plasdarmdardy, jaudyŋ bekınısterın joiu sekıldı jauyngerlık tapsyrmalar jükteldı. Qiian-keskı şaiqastarda erjürek ūşqyş jaudyŋ jetı ūşaǧyn atyp tüsırdı. Ol Berlin aspanyna bırınşı bolyp barlau jürgızdı. Joǧarǧy qolbasşylyq qazaq halqynyŋ batyr ūlyna toǧyz ret alǧys jariialady.