Balalardyŋ qauıpsızdıgın qamtamasyz etu mäselesı – memlekettıŋ asa maŋyzdy mındetterınıŋ bırı. Osy maqsatta Astana qalalyq Bılım basqarmasy tarapynan keşendı jūmystar jürgızılude, bügınde elordalyq bılım beru ūiymdary beinebaqylau jüielerımen 100 % qamtamasyz etılgen.
Qazırgı kezde barlyq bılım beru ūiymdarynda qalalar avtomatty ört dabyly jüiesıne qosylǧan jäne sifrlyq beinebaqylaumen qamtamasyz etılgen. Sondai-aq barlyq kameralar men dabyl tüimelerı Jedel basqaru ortalyǧyna qosylǧan.
Sandyq beinebaqylaumen qamtamasyz etu 100 %-dy qūraidy.
Bügıngı taŋda qalanyŋ barlyq mektepterı derekterdı beru jyldamdyǧy 100 Mbit/s bolatyn joǧary jyldamdyqty internetpen qamtamasyz etılgen.
Talaptar saqtalady
Astananyŋ bılım beru ūiymdarynda ornatylǧan kameralar «Ūlttyq beinemonitoring jüiesınıŋ jūmys ısteu qaǧidalaryn bekıtu turaly» Qazaqstannyŋ Ūlttyq qauıpsızdık komitetı töraǧasynyŋ 2020 jylǧy 27 qazandaǧy № 69-qe būiryǧynyŋ talaptaryna säikes keledı.
Lisenziialanǧan küzet boiynşa barlyq bılım beru obektılerınde küzettı 1 sanatty lisenziiasy bar firmalar qamtamasyz etedı.
«Küzet qyzmetı turaly» Zaŋǧa engızılgen soŋǧy özgerısterge säikes, bılım beru obektılerınde küzet qyzmetterın körsetetın ūiymdardyŋ 1 sanattaǧy lisenziiasy boluy mındettı (mındettı türde: menşık qūqyǧynda radiobailanystyŋ ne radiojiılıkterdı jaldau şartynyŋ, menşık qūqyǧynda kemınde ekı mobildı toptyŋ, qyzmettık atys qaruynyŋ boluyn közdeitın özgerıster engızıldı).
Būdan basqa bılım beru ūiymdarynyŋ barlyq obektılerınde (mektepter, kolledjder, qosymşa ūiymdar) turnikettermen qamtamasyz etılgen.
Ört qauıpsızdıgı qataŋ baqylauda
Ört qauıpsızdıgı boiynşa bölıngen biudjet qarajaty şeŋberınde 2023-2024 jyldary barlyq bılım beru ūiymdary ört söndırgıştermen qamtamasyz etıldı.
2023-2024 oqu jylyna arnalǧan ört qauıpsızdıgı jäne azamattyq qorǧau salasyndaǧy oqu-jattyǧular men jattyǧulardy ötkızu josparyna säikes barlyq bılım beru ūiymdarynda qalalyq Tötenşe jaǧdailar jönındegı departamentı mamandarymen bırlesıp, tabiǧi jäne tehnogendık sipattaǧy tötenşe jaǧdailar tuyndaǧan kezde qyzmetkerler men oquşylardyŋ ıs-äreketı boiynşa jattyǧular (oqytu), sondai-aq avariialyq jaǧdailar boiynşa jattyǧular uaqtyly ötkızıledı.
Basty nazarda –bala qauıpsızdıgı
Biyl osy maqsatta 2024 jylǧy 16 qaŋtarda bılım basqarmasy memlekettık jäne jeke menşık jalpy orta bılım beru ūiymdarynyŋ, kolledjderdıŋ, balabaqşalardyŋ jäne ǧimarattardaǧy qauıpsızdıktı qamtamasyz etu boiynşa qosymşa, arnaiy bılım beru ūiymdarynyŋ basşylarymen onlain-keŋes ötkızdı.
Keŋeske memlekettık jäne jeke bılım beru ūiymdarynyŋ, kolledjder men balabaqşalardyŋ basşylary, Astana qalasy boiynşa Ūlttyq qauıpsızdık komitetı departamentı, Astana qalasy PD ekstremizmge qarsy ıs-qimyl basqarmasy, Astana qalasy memlekettık ört baqylau basqarmasy, sondai-aq Bılım basqarmasynyŋ ökılderı qatysty.
Keŋes barysynda Astana qalasy boiynşa Ūlttyq qauıpsızdık komitetı departamentınıŋ ökılı Vladimir Maksimenko bılım beru mekemelerınıŋ terrorizmge qarsy qorǧaluy jäne jeke küzet firmasy boiynşa baiandama jasady.
Būdan basqa, Astana qalasy IID Ekstremizmge qarsy ıs-qimyl basqarmasynyŋ qyzmetkerı Ämır Maratov bılım beru obektılerınıŋ qauıpsızdıgı mäselelerı, atap aitqanda, beinebaqylau kameralarynyŋ jūmys ısteuı jäne olardy ışkı ıster departamentınıŋ jedel basqaru ortalyǧyna qosu turaly jäne «Qazaqstan Respublikasynyŋ Bılım beru salasyndaǧy qyzmettı jüzege asyratyn terroristık tūrǧydan osal obektılerdı terrorizmge qarsy qorǧaudy ūiymdastyru jönındegı nūsqaulyqqa» säikes habarlap, «Qazaqstan Respublikasy Bılım jäne ǧylym ministrınıŋ 2022 jylǧy 30 nauryzdaǧy № 117 būiryǧymen tanystyrdy.
Mektep qauıpsızdıgın qamtamasyz etu baǧytynda jüielı şaralar qabyldau jalǧasady jäne erekşe baqylauda.
