Elbasynyŋ syndarly saiasaty eldıŋ jarqyn bolaşaǧy men kemel keleşegıne bastaityny barşaǧa mälım. Ūlt köşbasşysynyŋ ärbır ideiasy, ūsynystary, tereŋ oilary, maŋyzdy şeşımderı halyqtyŋ qamy men eldegı äleumettık hal-ahualdy jaqsartuǧa baǧyttalady. Prezidenttıŋ «Qazaqstannyŋ äleumettık jaŋǧyrtyluy: Jalpyǧa ortaq Eŋbek Qoǧamyna qarai 20 qadam» baǧdarlamasy da sodan tuyndap otyr.
Bügıngı älemdegı jahandyq daǧdaryspen küresu, onyŋ sebebın anyqtau, daǧdarystan şyǧu joldaryn qarastyru – memleketımız üşın basty mäselelerdıŋ bırı. Ekonomikalyq tūraqsyzdyq oryn alǧan uaqytta eldıŋ hal-ahualyn tüsırmei, tūraqty ūstau öte maŋyzdy. Sondyqtan Elbasynyŋ «Qazaqstannyŋ äleumettık jaŋǧyrtyluy: Jalpyǧa ortaq Eŋbek Qoǧamyna qarai 20 qadam» baǧdarlamasyndaǧy äleumettık jaŋǧyrtu ideiasy arqyly eŋbek adamyn alǧa şyǧaru közdeldı. Būl bükıl qazaqstandyq qoǧamǧa tastalǧan ündeu boldy.
Osy rette atalǧan ideiany ılgerıletu maqsatynda ūjymymyzda jasalyp jatqan şaralardy söz etsek. Eŋbek adamy – memleket damuynyŋ qozǧauşy küşı, tıregı desek, artyq aitpaǧan bolarmyz. Bügıngı taŋda tek eŋbektengen adam ǧana jemıstı nätijege jete alady. Al ol üşın ne ısteu kerek? Eŋ aldymen, tiıstı bılım alu qajet. Saǧat saiyn, kün saiyn qarqyndy damyp bara jatqan zamanda bastapqy alǧan bılımmen qalu – köşten keiın qalumen teŋ. Sondyqtan bız ūjymdaǧy qyzmetkerlerdıŋ, eŋbek adamdarynyŋ bılımın odan ärı şyŋdap, bılıktılıgın arttyryp, käsıbi joǧarylauyna barynşa qoldau jasaudamyz.
Atap aitsaq, konsert zalymyzdaǧy tehnikalyq mamandyqtardyŋ bılıktılıgın arttyru maqsatynda qyzmetkerlerımız arnaiy oqu oryndarynyŋ praktikalyq seminarlary men şeberlık sabaqtaryna qatysty. Sondai-aq, bılım ortalyqtary ötkızıp tūratyn kurstardan qalǧan emes. Konsert zaly aşylǧannan berı, alty jyl ışınde qyzmetkerlerdıŋ barlyǧy ärtürlı trening, şeberlık sabaqtary, seminarlar, bılıktılıktı arttyru kurstarynyŋ sertifikattaryna ie boldy. Demek, ūjymda jemıstı jūmys ıstep, mamandardyŋ käsıbi ösuıne barlyq alǧyşarttar jasaluda.
Bolaşaqta atalǧan jūmysty odan ärı jandandyru boiynşa jūmystar jalǧasatyn bolady. Sebebı mamannyŋ bılıktılıgın arttyru, onyŋ äleuetın köteru, käsıbi tūrǧydan ösuıne jaǧdai jasau qoǧamnyŋ damuyna da äkeledı. Alǧa qoiǧan maqsattarǧa eş qiyndyqsyz jetuıne, memlekettıŋ alǧa qarai qaryştap damuyna bız osylai üles qosamyz. Öitkenı är qyzmetkerdıŋ eŋbekke qabılettılıgı men eŋbek önımdılıgı käsıbi ösuıne bailauly. Är adam memleket tetıgındegı asa maŋyzdy faktor bolyp sanalatyny sözsız.
Äsiia MŪSTAFİNA,
«Qazaqkonsert» memlekettık konserttık ūiymy»
RMQK bölım basşysy
