Qalada qolaily qorşaǧan orta qalyptasqan
– Allo, sälemetsizder me? Qazirgi uaqytta ekologiialyq mäselelerge ülken män berilude. Osyǧan bailanysty, aityŋyzşy, Astananyŋ ekologiialyq jaǧdaiy qandai deŋgeide?
– Dūrys aitasyz, qazirgi kezde ekologiialyq mäselelerdi şeşu negizgi josparǧa qoiylyp otyr jäne özekti bolyp tabylady, öitkeni būl adam densaulyǧyna, jalpy aitqanda jerdegi tirşilikti saqtauǧa bailanysty. Būl rette naqtyraq aitar bolsaq, Astana qalasy auasynyŋ lastanu indeksi ötken jylda 3,08 birlikti qūrady, būl 2010 jylǧy körsetkişten 2,39 birlikke jaqsarǧan. Al, jerüsti sularynyŋ lastanu indeksi 2011 jylda 2,06 birlikti qūrady, būl byltyrǧy deŋgeiden 0,27 birlikke joǧary. Jalpy, Astanada qolaily qorşaǧan orta qalyptasqan.
– Qala auasy basseinin negizgi lastauşylardyŋ biri tūraqty közder bolyp tabylatyndyǧy belgili, tūraqty jäne jyljymaly közderden atmosferaǧa ziiandy zattar emissiiasyn tömendetuge üles qosu üşin qandai jūmystar jürgizilude?
– Alǧa qoiylǧan mindetterdi oryndau üşin orta jäne kişi quattylyqtaǧy avtonomdy qazandyqtar sanyn qysqartu boiynşa keşendi is-şaralar ötkizildi. Sondai-aq, şyǧaryndy gazdarynda lastaǧyş zattar qūramy artqan avtokölik qūraldaryn paidalanǧandar äkimşilik jauapqa tartyldy. Atmosferaǧa şyǧaryndylardy tömendetu maqsatynda ötken jyly №1 JEO qaita jaŋartu şeŋberinde №3 qazandyq agregaty batareialyq türdegi jäne azot qyşqylyn basu jüiesimen jaŋa buyndy emulgatorlarmen jabdyqtalǧan jaŋa qazandyq agregatymen auystyryldy. Sonymen birge, №2 JEO qaita jaŋartu şeŋberinde azot qyşqylyn basu maqsatynda №6 qazandyq agregatynda jöndeu jürgizildi. Būl azot qyşqyly boiynşa menşikti şyǧaryndylardy 650 mg/n.m3 deiin tömendetuge mümkindik berdi. Sondai-aq, janarmaidy №4 qazandyq agregatynda jaǧudyŋ 2012 jyldaǧy ūqsas jüiesin qūrastyru üşin qūrylǧylar satyp alyndy. Qaladaǧy avtokölikterdiŋ 100 paiyzyn qamtu maqsatynda jol polisiiasynyŋ tehnikalyq diagnostika stansiiasynda tehnikalyq tekseristen ötkizu kezinde şyǧaryndy gazdardy baqylau boiynşa tekseru beketteri ūiymdastyryldy.
2010-2014 jyldarǧa arnalǧan «Jasyl damu» salalyq baǧdarlamasyn oryndau maqsatynda Qazaqstan Respublikasy Qorşaǧan ortany qorǧau ministrliginiŋ Esil ekologiialyq departamenti mamandarymen ötken jyly «Taza aua» ekologiialyq aksiiasy ūiymdastyrylyp, onyŋ barysynda qoǧamdyq kölikter, sondai-aq qala käsiporyndary men ūiymdarynyŋ kölikteri tekserildi. Osyǧan orai 285 avtokölik tekserildi, onyŋ işinde şyǧaryndy gazdarynyŋ joǧary ulylyq normasymen 41 kölik anyqtaldy. Jeke jäne zaŋdy tūlǧalarǧa jalpy somasy 200 myŋ teŋgeden astam aiyppūl sanksiialary salynǧan bolatyn.
– Tikelei tildesu me eken? Mūrat Spanqūlūly, bügingi taŋda qoqystardy sūryptau jäne qaita öŋdeudi damytu Astana qalasynda qalaişa jüzege asyrylyp jatyr?
– 2007 jyly «İmabe-İberika» tehnologiialaryn qoldanumen ispandyq joba boiynşa qalamyzda qoqystardy qaita öŋdeu keşeniniŋ qūrylysy bastaldy. Qaita öŋdeudiŋ jobalyq quattylyǧy jylyna 250 myŋ tonnany qūraidy. Qūrylys «Altyn-TET» JŞS-niŋ investisiialyq qarjysy esebinen jüzege asyryluda, investisiialyq qarjy kölemi şamamen 33 mln eurony qūraidy. Qazirgi uaqytta tehnologiialyq qūrylǧylardy ornatumen birge qūrylys-jinaqtau jūmystarynyŋ 90 paiyzy oryndaldy. Tehnologiiaǧa säikes, zauytta qaita tüsken qalalyq qaldyqtar sūryptalatyn bolady. Is şikizattary sūryptalyp, qaita öŋdelgennen keiin öndiristik nemese basqa da maqsattarda paidalanu üşin joldanatyn bolady. Qalǧan qoqysty ispandyq tehnologiia boiynşa briketter türinde tyǧyzdap, jaŋa poligon aimaǧyna kömemiz. Iаǧni, endigi jerde ydyraular, iister men qauipti gazdardyŋ jinaluy bolmaidy, sodan soŋ ärine kömiletin qoqystardyŋ jalpy kölemi azaiatyn bolady, sonymen birge kömuge arnalǧan alaŋdar azaiady, poligondy kezekti qaita jaŋartu tehnologiiasy jeŋildeidi. Al, qoqystardy qaita öŋdeu barysynda aldymen iri gabaritti qaldyqtar, organika men maida fraksiialar bölinip, eski komponentter, iaǧni qaǧaz, karton, PET-bötelkeler jäne basqa da plastmassa, şyny, mata, qara jäne tüsti metall türleri sūryptalady. Sodan soŋ qalǧan eski qaldyqtar tyǧyzdalyp, joǧary tyǧyzdyqtaǧy briketter symmen oralyp, qaldyqtardy kömuge arnalǧan jaŋa poligonǧa joldanady. Jaŋa poligon da ispandyq tehnologiia boiynşa qūrylǧan. Briketterdi kömu būl jerde jaŋa tehnologiialardy qoldanumen jüzege asyrylatyn bolady. Bir eskere ketetin jait, poligon ūiaşyǧynyŋ tübi qorşaǧan ortaǧa ziiandy äserdi azaitu üşin geomembranamen jabylǧan. Qaita öŋdeudiŋ jobalyq quattylyǧy jylyna 250 myŋ tonnany qūraidy. Bastapqy kezeŋde būl jerde 4 türli önim: PET fleksterden tūratyn japyraq plastinalar, jylu oqşaulaǧyş materialdar (ekovata), polietilen tüiirşikteri (PVD, PND), PET bötelkelerden flekster öndiriletin bolady. Mäselen, ekovata öndiru boiynşa korpusta makulaturalar qaita öŋdelip, findik qūrylǧylardy qūrastyru boiynşa jūmystar aiaqtaldy.
– Men jauapkerşiligi şekteuli seriktestiktiŋ bas buhgalteri bolyp jūmys isteimin, Sizderden mynany sūraiyn dep edim: qozǧalmaly közderden atmosferalyq auaǧa lastaǧyş zattardyŋ şyǧaryndylary üşin 2012 jylǧy tölemaqy stavkalary qandai?
– Qozǧalmaly közderden atmosferalyq auaǧa lastaǧyş zattardyŋ şyǧaryndylary üşin 2012 jylǧy tölemaqy stavkalary Qazaqstan Respublikasy Salyq kodeksiniŋ 495-babynyŋ 9-tarmaǧyna säikes, Astana qalasynyŋ mäslihatynyŋ 2010 jylǧy 30 nauryzdaǧy № 322/45-IV şeşimi boiynşa otyn türlerine bailanysty, iaǧni paidalanǧan benzin otynynyŋ 1 tonnasy üşin – 0,33 AEK, dizel otyny üşin – 0,63 AEK, al sūiyltylǧan, syǧylǧan gaz üşin – 0,35 AEK köleminde tölenedi.
– Su qorǧau aimaqtary men beldeuleri ne üşin qarastyrylǧan? Jalpy, Astana qalasynyŋ sanitarlyq-qorǧau aimaǧy turaly ne aitasyz?
– Su qorǧau aimaqtary men beldeuleri Astana qalasy şekarasyndaǧy Esil özeni, Sarybūlaq jäne Aqbūlaq jylǧasy, Nūra-Esil arnasyndaǧy ekologiialyq jaǧdaidy jaqsartu üşin qarastyrylǧan. Al, Astana qalasynyŋ sanitarlyq-qorǧau aimaǧy – būl qorǧau, sanitarlyq-gigienalyq, mädeni-sauyqtyru, rekreasiondy jäne turistik qyzmet atqaratyn jasyl jelekter otyrǧyzylǧan arnaiy bölingen aimaq. Bügingi küni Astana qalasy sanitarlyq-qorǧau aimaǧynyŋ jalpy audany 16 myŋ gektardy qūraidy. Aǧaştardyŋ jalpy sany 9 millionnan joǧary. Sanitarlyq-qorǧau aimaǧyndaǧy jasyl jelekterdi qorǧau jäne kütip ūstau şeŋberinde atqarylǧan agrotehnikalyq is-şaralarǧa toqtalar bolsaq, jyl saiyn Astana qalasynyŋ jergilikti biudjetinen būl maqsatta qarjy bölinude. Osyǧan orai, aǧaş ūştary tabiǧi türge keltirilip qysqartylady, kemirgişterge, sondai-aq basqa da ziiankester men aurularǧa qarsy himiialyq öŋdeu jürgizilip, köpjyldyq şöpter men ūzaq ǧūmyrly näsildi tūqymdardy otyrǧyzamyz, beldemşeler örtke qarsy aidalyp, jyrtylady. Būl baǧyttaǧy bizdiŋ negizgi maqsatymyz jasyl jelektermen qamtylǧan jer audandaryn saqtau bolyp tabylady. Sondai-aq, student-jastardyŋ kömegimen orman mädenietin damytuǧa meilinşe maŋyz berip kelemiz.
– Aty-jönim Arailym Esenbekqyzy. Elorda poligonynda qanşa qoqys jinaluda jäne olar boiynşa qandai da bir normativter bar ma?
– Bügingi künde qala aimaǧynan qatty tūrmystyq qaldyqtardy tasumen birneşe şaǧyn jäne iri kompaniialar ainalysuda. Olardyŋ arasynda «Astana-Tazartu» jäne «Tehservis Astana NS» JŞS-ryn atauǧa bolady.
Qalalyq poligonǧa, iaǧni «Astana Ekopoligon» JŞS-na ötken jyly barlyǧy 350 497,10 tonna qaldyqtar tasyldy. Sondai-aq, elordalyq äkimdik qala üşin qatty tūrmystyq qaldyqtardy jinaudyŋ jaŋa normasyn äzirledi. Kelesi qadam – qoǧamdyq tyŋdaular ötkizu, Qazaqstan Respublikasynyŋ Ekologiialyq kodeksine engizilgen tüzetulerge säikes jinaludyŋ būl normasyn Astana qalasy mäslihatyna bekitip alu bolyp otyr.
– Men – Marat Qaiyrjanūlymyn. Bileiin degenim: qaladaǧy jerüsti sulary lastanuynyŋ aldyn alu üşin ne istelinude?
– Su nysandarynyŋ mūnai qaldyqtarymen, tūrmystyq jäne öndiristik qaldyqtarmen lastanuyn boldyrmau jäne aldyn alu maqsatynda tūraqty baqylau jüzege asyryluda. Jyl saiyn bükilqalalyq ekologiialyq senbilik şeŋberinde Esil özeni, Aqbūlaq jäne Sarybūlaq jylǧalaryn sanitarlyq tazartu jürgizilude.
– Mūrat Spanqūlūly, qorşaǧan ortamyzdyŋ taza boluyna ainaladaǧy aǧaştardyŋ äseri mol ekenin ekiniŋ biri biledi. Degenmen, jasyl jelekterdi qorǧauǧa äli de bolsa tiisti deŋgeide köŋil bölinbei kele jatqany ökinişti, ärine. Būl rette elordalyq tūrǧyndarǧa qandai ūsynymdar berer ediŋiz?
– Öte oryndy mäsele köterip otyrsyz. Jasyratyny joq, jasyl jelekterdiŋ bir tūrǧynǧa şaqqandaǧy sany boiynşa biz batys elderimen salystyrǧanda, anaǧūrlym artta kelemiz. Batys elderinde bir tūrǧynǧa 22-25 aǧaştan kelse, Astanada ol 14-ten kelip otyr. Osyǧan bailanysty, ärbir tūrǧyn aǧaştarǧa, būtalarǧa, gülder men gazondarǧa ūqyptap qarap, ainalamyzdaǧy jasyl jelekti syndyrmauǧa, kespeuge daǧdylansa deimin. Kerisinşe, «bir tal kesseŋ, on tal ek!» degen qaǧidany berik ūstanyp, qalamyzdyŋ köriktenuine barşamyz birlesip atsalysuymyz kerek dep esepteimin.
Gülbarşyn ÖKEŞQYZY