Nūr-Sūltan qalasynyŋ äkımı Altai Kölgınov otbasy institutyn qoldau ortalyǧyn aşudy ūsyndy.
Qoǧamdaǧy maŋyzdy mäselelerdıŋ bırı qaltarysta qalyp, osy künge deiın elordada köpbalaly jäne tūrmysy tömen otbasylardy äleumettık beiımdeu, olardyŋ käsıp igerıp, eŋbek etuıne mümkındık tolyq qarastyrylmaǧan.
Nūr-Sūltan qalasynda osyndai ortalyq qūrudy ūsynamyn. Ortalyq aldymen äleumettık kömekke mūqtaj azamattardyŋ mälımetter bazasyn jasaqtaidy. Sodan keiın äleumettık älsız toptardy sonyŋ ışınde köpbalaly, mümkındıgı şekteulı bala tärbielep otyrǧan jäne taǧy basqa da mūqtaj otbasylardyŋ müşelerıne tolyq äleumettık kömek körsetetın bolady» dedı qala basşysy. Äkımnıŋ aituyna qaraǧanda, ortalyq qūqyqtyq, psihologiialyq keŋester berıp, medisinalyq tekserulerge joldama ūsynatyn bolady. «Otbasy institutyn qoldau ortalyǧy analarǧa qolaily bolu üşın «Open space» negızınde jasalady jäne balalarǧa qaraityn şaǧyn balabaqşanyŋ jūmysy ūsynylady. Osy mäselenı retteudı orynbasarym Baqtiiar Mäkenge tapsyramyn» dedı äkım.
