PARİJ TÖRINE KİIZ ÜI TIGILEDI
Fransiia astanasy Parijde 31 qazan men 3 qaraşa aralyǧynda Astana qalasynyŋ künderı ötedı.
Fransiia – körme ötkızu jönınen täjıribesı mol el. Osy tūrǧyda elordalyq mamandardan qūralǧan delegasiia ärıptesterınıŋ täjıribesın zerdeleitın bolady. Bügınde köptegen fransuz kompaniialary «EKSPO-2017» halyqaralyq körmesın daiyndau jäne ūiymdastyru jūmystaryna belsene qatysuda. Sondyqtan, qos memlekettıŋ arasynda farmasevtika, turizm, auyl şaruaşylyǧy salalarynda yntymaqtastyq ornatudyŋ jaŋa mümkındıkterı tuyp otyr.
Al, Astana qalasynyŋ künderı aiasynda Eifel mūnarasy säuletımen köz tartatyn qalada qazaq etnoauyly tıgılıp, köşpendılerdıŋ mädenietı men tūrmysy tanystyrylady. «Pale Roial» alaŋynda bıregei joba – ata-babamyzdyŋ mädenietı men köşpendılerdıŋ örkenietı, tūrmys-tırşılıgı körsetılmek.
Parij alaŋynda şyǧys bazary ülgısındegı järmeŋkede kiız üiler tıgılıp, ışınde äşekeiler, bylǧary men aǧaştan jasalǧan būiymdar, qolönerşılerdıŋ jasaǧan kädesyilary satylady. Etnoauyldy aralau üşın qos baǧana ortasyna tartylǧan terıge ūqsatyp arnaiy jasalǧan erekşe karta-syzba ılınedı.
Sonymen qatar, qonaqtardyŋ öz qolymen kiız üi tıguıne nemese qūmyra jasauyna, zergerlerdıŋ şeberlık synyptaryna qatysuyna jaǧdai jasalady.
«Şeberler auyly» kiız üiı özınıŋ mol mümkındıkterımen, jabdyqtarynyŋ ädemılıgımen köpşılıktı täntı etpek. Sahna törınde Astana qalasynyŋ änşılerı men şyǧarmaşylyq ūjymdary öz önerlerın ortaǧa salady.
Sahna janyna altybaqan ornatylady. Al ortaǧa tu men tūmarlardyŋ ainalasyna diametrı toǧyz metr jäne biıktıgı bes metrlık Aq orda – kiız üi tıgıledı.
Saǧi ORAL