Nūrsūltan NAZARBAEV:
– Ekıjaqty da, köpjaqty da yntymaqtastyqty jandandyru maŋyzdy. İndoneziia – Oŋtüstık-Şyǧys Aziiadaǧy negızgı memleket. Bızdıŋ elımız de öŋırlık qauıpsızdıktı nyǧaituda eleulı röl atqarady. Sauda-ekonomikalyq, kölıktık özara ıs-qimyldy damytu, mädeni-gumanitarlyq almasular üşın bızderde eşqandai kedergı joq. Būl üşın barlyq jaǧdai jasalǧan.
Susilo Iýdoiono:
– Menıŋ Qazaqstanǧa saparym yntymaqtastyqty odan ärı jandandyruǧa baǧyttalǧan. Bızdıŋ elderımızdıŋ ekonomikasy qarqyndy damuda. Būl ekıjaqty serıktestıktı tereŋdetu üşın jaqsy negız bolyp tabylady. Bız investisiialar, qauıpsızdık, energetika, bılım men mädeniet salalaryndaǧy özara ıs-qimyl mäselesın odan ärı talqylauǧa daiynbyz.
Keşe Aqordada Memleket basşysy Nūrsūltan Nazarbaev İndoneziia Prezidentı Susilo Bambang Iýdoionomen kezdestı.
Qazaqstan men İndoneziia arasyndaǧy sauda-ekonomikalyq bailanys qarqyndy damyp keledı. Ekı eldıŋ sauda ainalymy aǧymdaǧy jyldyŋ qaŋtar – mamyr ailarynda 86 mln AQŞ dollaryn qūraǧan. İndoneziia Oŋtüstık-Şyǧys Aziiada mūnai men gaz, kömır men altyn öndırude jetekşı el ekenın eskersek, ekıjaqty qarym-qatynastyŋ Qazaqstan üşın maŋyzdylyǧy aitarlyqtai joǧary.
Resmi kezdesude Elbasy İndoneziia Prezidentınıŋ Qazaqstanǧa jasaǧan sapary ekı el arasyndaǧy yntymaqtastyqtyŋ damuyna serpın beretının atap öttı. Ärı Aziiadaǧy köşbasşy memleketterdıŋ bırı – İndoneziiamen barlyq baǧyttar boiynşa ekıjaqty bailanysty damytuǧa müddelı ekendıgımızdı bıldırdı. Memleket basşysynyŋ aituynşa, Qazaqstan men İndoneziia arasyndaǧy yntymaqtastyqty damytuǧa eş kedergı joq, kerısınşe, barlyq jaǧdai jasalǧan. «Bızdıŋ kezdesu ekı el arasyndaǧy diplomatiialyq qarym-qatynastyŋ ornaǧanyna jäne İndoneziianyŋ Astanada, Qazaqstannyŋ Djakartada elşılıgınıŋ aşyluynyŋ 20 jyldyǧy qarsaŋynda ötıp otyr. Qazaqstandaǧy İndoneziianyŋ mädeniet künderı men elderıŋızdegı Qazaqstannyŋ mädeniet künderı ortadaǧy mädeni yntymaqtastyqtyŋ maŋyzdy bölıgı bolyp tabylady» dedı Prezident Nūrsūltan Nazarbaev. Al, öz kezegınde Susilo Iýdoiono Qazaqstan men İndoneziianyŋ ekonomikasy jaqsy damyp kele jatqanyn tılge tiek ettı. «Halqymyz ekı el arasyndaǧy qarym-qatynastyŋ damyǧanyn qalaidy. Ötken jyly Sız İndoneziiaǧa ıs-saparmen keldıŋız, biyl men Qazaqstanǧa arnaiy keldım. Būl ekı eldıŋ bailanysyn damyta tüsedı degen oidamyn. Bız investisiia, energetika, bılım beru, mädeniet salalaryndaǧy serıktestıktı damytu mäselelerın talqyladyq. Ekı eldıŋ yntymaǧy odan ärı nyǧaia tüskenın qalaimyn» dedı İndoneziia Prezidentı S. Iýdoiono.
Maŋyzdy basqosuda Nūrsūltan Nazarbaev pen Susilo Iýdoiono Elbasynyŋ ötken jyly İndoneziiaǧa memlekettık sapary aiasynda qol jetkızılgen uaǧdalastyqtardy ıske asyru barysyn talqylady. Sondai-aq, elektr energetikasy, tau-ken önerkäsıbı, mūnai-gaz sektory, telekommunikasiialar, maşina jasau, turizm jäne özge de salalardaǧy baǧyttar turaly äŋgıme örbıdı.
Gülmira AIMAǦANBET
