Taiauda Astana qalasy Işki ister departamentiniŋ qyzmetkerleri astanalyq eki azamattyŋ ūrlanǧan köligin ielerine qaitardy.
Jol polisiiasynyŋ qyzmetkerleri «Audi-80» markaly kölikti mas küiinde jürgizip kele jatqan 29 jastaǧy azamatty ūstady. Teksere kele eşqandai qūjaty joq kölik oǧan tiesili emes ekeni anyqtaldy. Būzaqy kölikti bireudiŋ garajynan ūrlap, aidap äketken körinedi.
Däl osyndai oqiǧa, sol küni 24 jastaǧy, būryn sotty bolǧan azamat tūrǧyn üi aulasyndaǧy bir kölikti minip ketken. Patruldik polisiia qyzmetkerleri äinegi synǧan kölikti küdiktengen boida toqtatqan. Nätijesinde ūrlanǧany belgili boldy.
Qazirgi taŋda atalǧan eki azamat IIB uaqytşa qamau abaqtysyna jabylyp, Qylmystyq kodekstiŋ 185-baby boiynşa jauapqa tartyluda.
Gülmira AIMAǦANBET
