Keşe QHR-dyŋ Qazaqstandaǧy elşılıgı demeuşılıgımen L.N.Gumilev atyndaǧy Euraziia ūlttyq universitetınıŋ filologiia fakultetınde zamanaui tehnologiiamen jabdyqtalǧan «Qytai tılı arnaiy därıshanasynyŋ» aşylu räsımı öttı.
Jalpy, Qazaqstan men Qytai memleketterınde özara diplomatiialyq qatynas ornaǧannan keiın ekı el arasyndaǧy yntymaqtastyq bailanys san-sala boiynşa damu üstınde. Osyǧan orai Qazaqstanda qytai tılıne degen qyzyǧuşylyq ta kün sanap artyp keledı. Ekı el qarym-qatynasynyŋ osylaişa qarqyndy damuyna ılesıp, Qazaqstannyŋ eŋbek naryǧynda qytai tılı mamandaryna degen sūranys ta artyp otyr. Sony eskergen universitet basşylyǧy 2011 jyly qytai tılı kafedrasyn aşqan edı. Filologiia fakultetınıŋ janynan qūrylǧan ondaǧy oqytuşylar ekı jyl boiy «Şetel filologiiasy: qytai tılı» mamandyǧy boiynşa bakalavrlar daiarlap keledı. Sondai-aq, kafedra QHR-dyŋ Qazaqstandaǧy elşılıgımen jaqsy bailanys ornatqan. Sonyŋ aiǧaǧy retınde ötken jyly Qytaidyŋ Qazaqstandaǧy elşılıgı oqytuşylardyŋ şäkırtterge sapaly bılım beruıne qoldau körsetu üşın bır därıshana aşyp berudı uäde etken. Endı, mıne, bız sol därıshananyŋ tolyqtai jasaqtalyp bolǧanyn körıp qaittyq. Aşylu räsımıne arnaiy kelıp qatysqan Parlament deputattary Ädıl Ahmetov, Quanyş Sūltanov, İkram Adyrbekov, Jänıbek Kärıbjanov, QHR-dyŋ Qazaqstandaǧy Tötenşe jäne ökılettı elşısı Chjou Li, EŪU rektory Erlan Sydyqov, sonymen qatar, elımızdıŋ belgılı memleket jäne qoǧam qairatkerlerı aldaǧy uaqytta jaŋa kabinette jürgızıler jūmystarǧa sättılık tılep tarqasty.
Möldır HALYQOVA
