IRGELI IZDENIS IZDERI
Elbasynyŋ «Qazaqstan-2050» Strategiiasy: qalyptasqan memlekettıŋ jaŋa saiasi baǧyty» atty Qazaqstan halqyna Joldauynda bılım beru salasyna zor köŋıl bölgenı quantady.
Elbasy äsırese jastarǧa tärbie beru jūmysyn küşeitudı talap ettı. Osyǧan orai, barlyq bılım mekemelerı maman daiarlaumen qatar onyŋ segız qyrly, bır syrly, erık-jıgerı myǧym, elın, jerın qasterleitın, alda tūrǧan asulardy qinalmai aluǧa qabılettı adam tärbieleuge mındettı. Sondyqtan, bızdıŋ aldymyzda tärbie jūmysyn tübırınen qaita qūru mındetı tūr.
«Senıŋ eldıgıŋ tarihyŋdy zertteuden bastalady» dep Qadyr Myrzaliev aitqandai, şäkırtterımızdı tarihi sanaly, qūqyqtyq tärbielı azamat etıp tärbieleu, şyǧarmaşylyqqa şyŋdau maqsatynda oquşy boiyndaǧy tabiǧat bergen qabılettı damytuǧa, daryndylyqtyŋ közın aşuǧa barynşa küş salyp kelemız.
Bügıngı uaqyt talaby – mädeni deŋgeiı men şyǧarmaşylyq qabıletı joǧary şäkırt äzırleu. Sondyqtan da şäkırtterımızdıŋ ışkı syryn jasyryn ūstaitynyn eskersek, olardyŋ ıskerlık daǧdylaryn jäne bılımqūmarlyq talap-jıgerlerın jetıldıruımız qajet. Sebebı, adamgerşılıgı mol, imandy, tärbielı oquşy – kez kelgen memlekettıŋ bailyǧy.
Ǧylymi zertteulerge qaraǧanda, erekşe qabılettı, talantty balalardyŋ biohimiialyq, elektrlık belsendılıgı joǧary keledı. Olardyŋ miy qabyldaǧan mälımetterdı qorytuǧa qabılettı. Demek, erekşe qabılettılık – bala boiynda tärbiemen alǧan bılımıne bailanysty qalyptasatyn qasiet.
Mırjaqyp Dulatov qazaq arasynda köbıne közge tüspei, tüsse de elenbei jürgen ǧylym-bılımge, önerge zerek, daryndy balalardy oqytyp tärbieleudıŋ mänı jaiynda söz ete kelıp, daryndylyqtyŋ keibır psihologiialyq astaryna üŋıledı. Onyŋ aituynşa: «Tumasynda qanşa zerektık bolsa da – ǧylymsyz, tärbiesız kemelıne jetpeidı».
Jas jetkınşektıŋ boiyndaǧy tabiǧat bergen erekşe qabılettı, daryndylyqty tani bılu, onyŋ odan ärı damuyna baǧyt-baǧdar bere bılu – erekşe qiyn ıs. Demek, oquşylardyŋ ǧylymi-zertteu jūmystaryna qyzyǧuşylyǧyn qalyptastyru, şyǧarmaşylyq qasietın damytu, qazırgı tehnikany paidalanu mädenietıne tärbieleu – ūstazdardyŋ basty mındetı.
Osy rette mektebımızde «Alaş jastary» atty klub jūmys ısteidı. Būl ūiym jetkınşekterdıŋ boiynda şeşendık önerdı, köşbasşylyq qasietterdı, ūiymdastyru qabıletın damytu maqsatynda qūrylǧan. Onyŋ negızgı maqsaty – mektebımızdegı daryndy, qabılettı oquşylardyŋ basyn qosa otyryp, joǧaryda atalǧan konferensiiaǧa, kezdesulerge, ǧylymi jobalarǧa, debattyq turnirlerge, qoǧamdyq ıs-şaralarǧa daiyndau, oquşylardy beiımdeu. Qazırgı kezde klub qūramynda 10-synyp oquşylary bar. Olar Qazaqstan Respublikasynyŋ Tūŋǧyş Prezident Muzeiı ūiymdastyrǧan debat turnirınde jüldelı ekınşı orynǧa ie boldy. Sonymen qatar, klub müşelerı «Habar» telearnasyndaǧy «Sonymen, solai deiık» baǧdarlamasyna qatysyp, kelelı taqyryptarǧa öz oi-pıkırlerın bıldırdı. Qazırgı kezeŋde klub müşelerı – «Jas Otan» jastar qanatynyŋ Astana qalalyq filialynyŋ belsendı müşelerı. Müşelıkke ene otyryp, oquşylarymyz qalalyq deŋgeide ıs-şaralarǧa qatysyp, kelelı taqyryptarda erkın pıkır bıldırıp, döŋgelek üstelderge qatysyp, öz daryndylyqtaryn arttyruda.
Maqsat MOMYNOV,
Astana qalasy №51
mektep-gimnaziiasynyŋ mūǧalımı