Bız kımbız, qaida baramyz?
Täuelsızdıgımızdıŋ alǧaşqy jyldary saiasi jäne äleumettık-ekonomikalyq qiyndyqtar kezeŋınde elımızdıŋ aldaǧy damu mümkındıkterın naqty ǧylymi türde belgılep bergen «Qazaqstan-2030» strategiiasy barlyq ölşemderı boiynşa merzımnen būryn, iaǧni 15 jylda oryndaldy.
Memlekettıŋ qalyptasu kezeŋıne arnalǧan būl strategiia özınıŋ tiımdılıgın jäne ǧylymi negızge süienıp, dūrys jasalǧandyǧyn körsettı. Qazaqstan osy uaqyt ışınde älemdegı damyǧan elder qataryna qosylyp tamaşa tabysqa qol jetkızdı. Qazaqstan halqy qazırgı örkeniettık ülgıge üilesetın kemeldengen memleket qūrdy. Sondyqtan ūzaq merzımge arnalǧan ekınşı baǧdarlama qabyldaudyŋ qajettıgı tuyndady. 2012 jyly 14 jeltoqsanda Qazaqstan Respublikasynyŋ Prezidentı respublika halqyna arnalǧan «Qazaqstan-2050» Strategiiasy: qalyptasqan memlekettıŋ jaŋa saiasi baǧyty» atty Joldauyn jariialap, elımızdıŋ damuyndaǧy jaŋa kezeŋınıŋ bastalǧanyn paş ettı.
Älem tarihyna köz jügırtsek, mūndai ūzaq merzımdı baǧdarlamalar bırqatar elderdıŋ ösıp, örkendeuıne igı äser etkenın köremız. Mūndai ūzaq merzımdı strategiialyq josparlaular Oŋtüstık-Şyǧys Aziia elderınıŋ güldenuın, Qytaidyŋ qarqyndy damuyn qamtamasyz etkenı, «Marşal josparynyŋ» ekınşı düniejüzılık soǧystan ekonomikasy küirep şyqqan Batys Europanyŋ qalpyna keluıne oŋ äserın tigızgenı belgılı. Bügınde dünie jüzı elderınıŋ bırqatary 2050 jylǧa baǧdar ūstauda. Bırıkken Ūlttar Ūiymy da 2050 jylǧa deiıngı örkenietter damuynyŋ jahandyq boljamyn äzırledı. Qytai da özınıŋ osyndai josparyn belgıledı. Irı industriialyq kompaniialar da aldaǧy jarty ǧasyrǧa damu strategiialaryn äzırleude.
Elbasy N.Nazarbaev ūzaq merzımdı baǧdarlama jasauda älemdık damudyŋ osyndai taǧylymdy täjıribelerın de eskergenı anyq.
Ūlt Köşbasşysy: «Düniede bolyp jatqan özgerısterdıŋ sipaty men tereŋdıgı, jahandyq özara ıs-qimyl ūzaq merzımdı damudy talap etedı. Köptegen elder qazırdıŋ özınde 2030-2050 jyldardyŋ arǧy jaǧyna köz jıberuge tyrysady. «Basqarylatyn boljamdau» qazırgı tūraqsyz kezde memleketter damuynyŋ maŋyzdy tetıgıne ainaluda» dep körsettı. Prezident Qazaqstandy 2050 jylǧa qarai älemnıŋ damyǧan 30 elınıŋ qataryna qosu mındetın jüktedı.
Strategiialyq tūrǧydan öte maŋyzdy Joldau elımızdıŋ damuynyŋ aldynda tūrǧan mındetterdıŋ jaŋa paradigmasyn aiqyndap berdı. Täuelsız respublikamyz damuynyŋ keŋ auqymda alǧandaǧy jetı basty baǧyty belgılendı.
Qazırgı älem köz ılespes jyldamdyqpen özgerude jäne damuda. Solardyŋ ışınde bükıl adamzatqa qauıp töndıruı mümkın jaŋa qaterler de tuyndauda. Elbasy öz Joldauynda osylardy taldap, jüielep, on jahandyq negızgı syn-qaterlerdı körsetıp, olardy öz damuymyzda mındettı türde eskerudı tapsyrdy.
Elbasy bırınşı-üşınşı qaterlerge jer şary tūrǧyndary sanynyŋ tez ösıp, azyq-tülık tapşylyǧynyŋ, baspana, t.b. qajettılıkter mäselesınıŋ şielenısuı mümkındıgın jatqyzdy. Törtınşı qaterge älemdegı taza auyz sudyŋ tapşylyǧyn, besınşıge – jahandyq energetikalyq qauıpsızdıktı qosty. Tabiǧi resurstardyŋ sarqyluyn – altynşy, üşınşı industriialyq revoliusiiany – jetınşı, äleumettık tūraqsyzdyqty – segızınşı, örkeniet qūndylyqtarynyŋ daǧdarysyn – toǧyzynşy, älemdık jaŋa tūraqsyzdyq qaupın onynşysyn qater dep paiymdady.
Älemdık qauymdastyqtyŋ bır belsendı subektısı bolǧandyqtan Qazaqstan da odan tysqary ömır süre almaidy. Bızdıŋ elımız de jahandyq özgerısterge beiımdele otyryp, öz saiasatyn jüzege asyruda.
Joldauda elımızdıŋ syrtqy saiasatyn jaŋǧyrtudyŋ basymdyqtary atap körsetıldı. Onyŋ ışınde aimaqtyq jäne ūlttyq qauıpsızdıktı jan-jaqty nyǧaitu, ekonomikalyq jäne sauda diplomatiiasyn belsendı damytu, mädeni-gumanitarlyq, ǧylym-bılım jäne basqa şektes salalardaǧy halyqaralyq yntymaqtastyqty arttyru, azamattarymyzdy qūqyqtyq qorǧaudy, olardyŋ şetelderdegı jeke, otbasylyq, ıskerlık müddelerın qorǧaudy küşeitu maqsaty közdelıp otyr.
Özınıŋ bolaşaqtaǧy damuyn aiqyn belgılegen memleketımız älemdegı üdei tüsken äleumettık tūraqsyzdyqqa, örkeniet qūndylyqtarynyŋ daǧdarysyna, älemdık jaŋa tūraqsyzdyq qaupıne tötep bere aluy kerek. Elbasymyz būl tūrǧysyndaǧy oi-pıkırın: «Osyǧan bailanysty bız halyqaralyq ahual damuynyŋ kez kelgen körınısıne jan-jaqty daiyn bolu üşın bilıktıŋ barlyq tarmaqtarynyŋ, memleket pen qoǧamnyŋ oilastyrylǧan, kelısılgen jäne üilestırılgen baǧytyn tūjyrymdauǧa tiıspız» dep tüiındedı.
Osylaişa «Bız kımbız, qaida baramyz?» degen saualdarǧa Elbasymyz tiımdı joldaryn körsetıp, tiıstı jauabyn aitty.
Seitqali DÜISEN,
Memleket tarihy institutynyŋ jetekşı ǧylymi qyzmetkerı