RÄMIZDER REGLAMENTI OIYNŞYQ EMES
Keşe Astana qalasynyŋ äkımı janyndaǧy Qazaqstan Respublikasy Memlekettık rämızderı boiynşa komissiianyŋ kezektı otyrysy öttı. Onda qala aumaǧynda ornalasqan mekemelerdegı memlekettık rämızderdıŋ reglamentke sai ornatu, talabynyŋ saqtaluyna bailanysty audan äkımderı orynbasarlarynyŋ esepterı tyŋdaldy.
Jyl basynan berı 201 mekeme men ūiymdar tekserılıp, onyŋ 153-ınde rämızderdı qoldanuda qatelıkter jıberılgenı anyqtaldy. Iаǧni, ūlttyq standartqa sai kelmeidı, tu tozyp jyrtylǧan nemese arnaiy stendterde rämızderdıŋ zaŋda körsetılgen tärtıpke sai ornalasuyna män berılmegen. Ǧimarattarǧa ılıngen rämızderge arnaiy jaryqtyŋ tüsırılmeuı, äsırese, tüngı uaqytta közge qoraş bolyp tūruy da talapqa qaişy. Osy oraida qalalyq Işkı saiasat basqarmasy türlı mekemeler men ūiymdardyŋ ökılderıne seminar ötkızıp, tüsındıru jūmystaryn jürgızgen.
Memlekettık rämızderdıŋ reglamentke sai ornatyluy jaiynda Keŋes töraiymy Aida Balaeva eskertuler jasady. «Halyqtyŋ közı qyraǧy, köp jaǧdaida qala tūrǧyndarynyŋ nemqūraily qaramaityny quantady. Tudyŋ jyrtylyp nemese boran jūlyp äketkenın köbıne qarapaiym qala tūrǧyndary baiqap jatady. Būl sol sebeptı de halyqpen nätijelı jūmys ısteudı jalǧastyryp, talaptyŋ saqtaluyna müddelı boluymyz kerek» dedı ol jiyndy qorytyndylai otyryp.
Aigül UAISOVA