Elordada at tūiaǧynyŋ dübırı estıletın kün de alys emes. Dästürge ainalǧan alaman bäige biyl üşınşı jyl qatarynan ūiymdastyrylady. Är aimaqtyŋ kıl jüirıgın jinaityn jarys Täuelsızdıktıŋ 25 jyldyǧyna arnalǧan.
Şaşasyna şaŋ jūqpaityn säigülıkter saltanatyn ötkızuge «Nūr Otan» partiiasy, QR Mädeniet jäne sport ministrlıgı, Astana qalasy äkımdıgı jäne QR Ūlttyq sport türlerı qauymdastyǧy mūryndyq bolyp otyr.
«Altyn tūlpar» dästürlı respublikalyq turnirınde elımızdıŋ 14 oblysy jäne Astana men Almaty qalalarynyŋ ärqaisysynan 10 säigülık synǧa tüse alady. Jarysqa jüirık tūqymdardyŋ barlyǧy qatystyrylady.
Alaman bäigenıŋ jarys joly 51 şaqyrymdy qūraidy. Bäige ötken jyldaǧydai ülken aumaqty şeŋberdı tört dürkın ainalyp şabu arqyly jürgızıledı.
Ärbır 2 şaqyrym saiyn barlyǧy jetı baqylau beketı ornalasady. Beketterde telekameralar men töreşıler, därıgerlermen bırge mal därıgerlerı, tärtıp saqşylary tūryp, bäige barysyn baqylaidy. Jarysqa qatysatyn şabandozdarǧa tüsı ärtürlı, arqasynda sandyq nömırı bar arnaiy futbolkalar kigızıledı.
Būlarǧa qosa, tıkūşaq jarys jolyn üstınen ainalyp jürıp, bäige attaryn biıkten kameraǧa tüsıredı. Körermender men at ielerı öz jüirıkterınıŋ qai tūsta şauyp bara jatqandyǧyn «LED» ekrannan qarai alady.
Dumandy şarada «At synşysy» baiqauy ūiymdastyrylady. Şyn jüirıktı jazbai tanyǧan synşylarǧa «Tolybai synşy», «Küreŋbai synşy», «Şoqai synşy» jäne «Kiıkbai synşy» atyndaǧy arnaiy jüldeler bar. Sondai-aq, toişyl qauymǧa arnalǧan qymyzmūryndyq ötedı.
Alaman bäige Astanadan 35 şaqyrym jerde ornalasqan Selinograd audany, Qabanbai auylynda 11 qyrküiek künı saǧat 11.00-de bastalady.
