Tūtynuşylardyŋ qūqyǧyn qorǧau agenttıgı jūmysynyŋ negızgı alty baǧyty aiqyndaldy. Ol jönınde Ortalyq kommunikasiialar qyzmetınıŋ brifingı barysynda agenttık töraǧasy Bolatbek Quandyqov mälımdedı.
Onyŋ aituynşa, eŋ aldymen tūtynuşylardyŋ qūqyǧyn qorǧauǧa baǧyttalǧan jaŋa model äzırlendı. Salaǧa qatysty zaŋda şikılıkter anyqtalǧandyqtan, agenttık mamandary jaŋa zaŋdy daiyndauǧa kırısken. «Qazırde elımızdegı 172 qoǧamdyq bırlestıkten 50-ı ǧana naqty jūmys ısteidı. Sondyqtan jaŋa zaŋda memlekettık qoldau tetıkterı de qarastyrylyp otyr» dedı agenttık töraǧasy.
Tūtynuşylardyŋ şaǧymdary negızınen tūrǧyn üi-kommunaldyq şaruaşylyq, qoǧamdyq kölık, qūrylys salalarynyŋ jūmysyna qatysty tüsıp jatatyn körınedı. Jaŋa zaŋda osynyŋ bärı rettelmek.
Sonymen bırge, epidemiologiialyq qadaǧalau jüiesı de jetıldırıletın bolady. Onyŋ ışınde sanitariialyq talaptardy qaita qarau közdelude. Bolatbek Baianūlynyŋ sözınşe, jaqynda Astanadaǧy bır mektepte oryn alǧan jaǧdai sony körsetıp otyr. Rūqsat beru qūjattar sanyn qysqartu da josparlanuda.
Önımderdıŋ qauıpsızdıgıne airyqşa nazar bölınbek. Aldymen belgılı bır önım aldymen zerthanalyq zertteuden ötkızıledı. Onyŋ ziiany anyqtalmasa ǧana saudaǧa şyǧarylady. Qazırdıŋ özınde, mäselen, nauryz aiynda bırqatar azyq-tülık tekserılıp, elımızge Resei jäne Belarusten keletın qūs etı men Ukrainada öndırıletın ırımşık önımderın kırgızuge tyiym salynǧan.
Sonymen bırge, agenttık bıryŋǧai aqparattyq jüie qūrmaqşy. Arnaiy portalda sapasyz tauarlar atauy ornalastyryp, tūtynuşy nenı alu, nenı almau kerektıgınen habar alady.
Amanǧali ŞMİTŪLY
