Serpındı joba – senımdı sapa
Seisenbı künı Täuelsızdık saraiynda Memleket basşysy Nūrsūltan Nazarbaevtyŋ qatysuymen biylǧy jyldyŋ ekınşı jartyjyldyǧyndaǧy industriialandyru kartasynda belgılengen investisiialyq jobalardy tanystyruǧa arnalǧan jalpyūlttyq teleköpır bolyp öttı. Osy joly 12 jaŋa jobanyŋ tūsauy kesıldı.
Kün ötken saiyn elımızde qazırgı zaman talabyna sai keletın industrialdyq-innovasiialyq jobalar qatary köbeiıp, ekonomikamyzdyŋ damuyna tyŋ serpın berude. Bügınde industriialandyru kartasynda 779 joba bar. 2010-2012 jyldar kezeŋınde 537 joba paidalanuǧa berılgen eken. Olardyŋ 277-sı 50 paiyz jäne odan da joǧary jüktememen jūmys ıstep jatyr. Onyŋ 141-ı tolyq quatty öndırıske köşse, 305 käsıporyn – negızgı önımdı şyǧara bastaǧan. Al 36 käsıporyn 520 milliard teŋgege önım eksporttaǧan.
Tek biylǧy jyldyŋ özınde 160-tan astam joba ıske qosylypty.
Osy jolǧy teleköpır barysynda tūsauy kesılgen serpındı jobalar mümkındıkterıne, ıske qosylu erekşelıkterıne qarai bırneşe topqa bölındı.
Bırınşı toptaǧylar – industriialandyru saiasaty aiasynda memlekettık qoldau körsetılgen jäne tabysty jūmys ıstep tūrǧan käsıporyndar. Solardyŋ bırı – Kentaudaǧy transformator zauyty. Quat ünemdegış transformatorlar şyǧaratyn ırı zauyt 12 mlrd.teŋgenıŋ önımın öndıredı. Onyŋ 30 paiyzy eksporttalady. Öndırıste 1200 adam jūmys ısteidı.
Sondai-aq, osy topqa jatatyn «RG Brands» kompaniiasynyŋ AKSENGIR öndırıstık-logistikalyq keşenısusyn öndırısın ekı ese, şyryn öndırısın üş ese arttyrǧan eken. Endı 2015 jylǧa qarai taǧam öndırısın bastamaq. Būl jobany Qazaqstannyŋ Damu bankı qarjylandyrǧan eken.
Ekınşı toptaǧy 10 jaŋa käsıporyn Elbasynyŋ qatysuymen ıske qosyldy. Būlar himiia jäne metallurgiia önerkäsıbımen ainalysatyn käsıporyndar.
Üşınşı toptaǧy jobalardy maşina jasau önerkäsıbınıŋ käsıporyndary qūrady. Aitalyq, Şyǧys Qazaqstan oblysyndaǧy «Vostokmaşzauyt» kompaniiasynyŋ bolat vagon qūimalary öndırısı, Şu qalasyndaǧy manevrlık teplovozdar öndırısı, «Mūnaimaş» mūnai önerkäsıbınıŋ mehanikalyq öŋdeu öndırısın jaŋǧyrtuǧa arnalǧan būiymdar şyǧaratyn käsıporyn, taǧy basqalar bar osy topta.
Törtınşı toptaǧy käsıporyndar aimaqtyq damu baǧdarlamasy aiasynda jüzege asqan. Olardyŋ qatarynda qūrǧaq ädıspen sement öndıretın zauyt qūrylysy, «Zenchenko jäne kompaniia» serıktestıgıne qarasty jel energetikalyq qondyrǧysy, Jetısaidaǧy maqta sabaǧynan qūrylys-jihaz taqtailaryn jasaityn zauyttar bar.
İndustrialdy-innovasiialyq damu baǧdarlamasy boiynşa atqarylǧan ısterdı qorytyndylap, söz söilegen Elbasy:
–Qazaqstan tauarlary naryqtyŋ barlyq talaptaryna sai bolmasa bız ǧalamdanudan artta qalamyz. «Qazaqstanda jasalǧan» degen söz naǧyz sapanyŋ senımı degen söz. Jaŋa däuırde täuelsızdıgımızdıŋ baiandy bolmaǧy eŋ äuelı ekonomikaǧa täueldı. Ekonomikamyz myqty bolǧanda ǧana bız naǧyz täueldı el bola alamyz, – dep atap öttı.
Elımızdıŋ nebary ekı jylda tolaiym tabystarǧa qol jetkızgenıne toqtalǧan Memleket basşysy barǧa toqmeiılsımeu kerektıgın, alda älı ülken mındetter kütıp tūrǧanyn aitty. Jospar boiynşa, 2025 jylǧa qarai şikızat emes sektordyŋ eksporttyq önımı ekı esege, 2040 jyly üş esege artuy tiıs.
Qymbat TOQTAMŪRAT