Nūr-Sūltan qalasyndaǧy J.Jabaev atyndaǧy №4-mektep-gimnaziiasynda köpten kütken sport alaŋy aşyldy.
Baiqoŋyr äkımşılıgınıŋ qoldauymen jüzege asqan būl igı ıs atalmyş mektep pen sol audanda tūratyn tūrǧyndar qoldanysyna saltanatty türde tabys etıldı. Sport alaŋynyŋ aşylu saltanatyna Baiqoŋyr audanynyŋ äkımı Erlan Jaulybaev, «Qūrmet belgısı» ordenı, «Ybyrai Altynsarin» tös belgısı iegerı Ospan Süleimenūly men ardager ūstaz Dämeş Ömırbekqyzy qatysty. Meimandy qonaqtar şara qatysuşylaryna jyly lebızderın bıldırıp, jas ūrpaqty sportpen ainalysuǧa şaqyrdy.
«Ärbır bala bır jūldyz, jarqyrauyna järdem ber» degen Elbasy ūstanymy negızınde Qazaqstan Respublikasy Prezidentı Qasym-Jomart Toqaev 2022 jyldy Balalar jyly dep jariialady. «Öskeleŋ ūrpaqtyŋ üilesımdı damuy men baqytty balalyq şaǧy – būl bızdıŋ jalpy ūlttyq mındetımız» dep atap öttı. Sonyŋ dälelı retınde aşylyp otyrǧan būl alaŋ bolaşaqta talai sportşylardy şyŋdap, älem arenasyna paş etetını sözsız. Atalmyş mektep bokstan Sanjar Taşkenbai men zıl temır köteruden Edıge Emberdı syndy älem chempiondaryn 2 jyl qatarymen tärbielep şyǧaryp otyr. Sonymen qatar, mekteptıŋ voleiboldan ūldar komandasy da ünemı qalalyq, respublikalyq baiqaularda baqtaryn synǧa salyp, jüldelı oryndarǧa qol jetkızıp jür.
Jūldyz QALİEVA,
J.Jabaev atyndaǧy
№4 mektep-gimnaziiasynyŋ
qazaq tılı men ädebietı pänınıŋ mūǧalımı
