Talǧat RAHMANBERDI, Jastar saiasaty mäselelerı jönındegı basqarmanyŋ basşysy
– Bügıngı taŋda elorda jastarynyŋ aldynda tūrǧan özektı mäsele ne?
– Qazırgı jastar arasyndaǧy basty mäsele – mamandyqty dūrys taŋdau. Sebebı, bügınde bas qala naryǧynda tehnikalyq mamandyqtarǧa sūranys artyp otyr. Al, jastardyŋ basym bölıgı älı de bolsa gumanitariianyŋ şylauynan şyǧa almaidy. Osy oraida bız olarǧa dūrys baǧdar berıp, būl baǧyttaǧy jūmysty jalǧastyrudamyz.
– Naqty qandai şaralar qolǧa alyndy?
– Qalalyq Jastar saiasaty mäselelerı jönındegı basqarmanyŋ bastamasymen jyl boiy Elbasynyŋ «Qazaqstan-2050» strategiiasy: qalyptasqan memlekettıŋ jaŋa saiasi baǧyty» atty Joldauy aiasynda eŋbek naryǧynda sūranysqa ie jūmysşy mamandyqtaryn nasihattauǧa arnalǧan «Menıŋ dūrys taŋdauym!» atty aksiia ötkızılude. Aksiia töŋıregınde tehnika salasynda, atap aitsaq, injener, frezerşı, elektrik, santehnik, dänekerleuşı, aspaz mamandyqtarynda jäne medisina salasynda oqityn bır top student jastar ügıt-nasihat jūmystaryna belsene atsalysyp jür. Äleumettık jelılerde jürgızıletın jūmystarymyz da bar. Sonymen bırge biylǧy 17 mausymda Astana qalasynyŋ temır jol jäne avtovokzal ǧimarattarynda jastardy jedel jūmysqa ornalastyru punktın aştyq.
– Jaŋa jobanyŋ nätijesı qandai?
– Būl jūmysty bastaǧaly berı bas qalada 80 jas maman jūmyspen qamtyldy jäne olardyŋ 200-den astamy jūmysqa ornalasuǧa jıberıldı. Jalpy, bız osy joba negızınde soŋǧy ekı aidyŋ ışınde elordaǧa kelgen jastardyŋ sanyn anyqtadyq. Būl rette Astanaǧa bırınşı kezekte Oŋtüstık Qazaqstan oblysynan jastar köp keletını belgılı boldy.
Bügınde elordada 14 066 student bar. Bırınşı kursqa qabyldanǧandardyŋ arasynda eŋbek naryǧynda sūranysy tömen mamandyqtardy taŋdaǧandar qatary 16 paiyzǧa azaiǧan. Būl – bız üşın ülken jetıstık. Ortaşa eseppen alǧanda 2017 jylǧa qarai Astana qalasynda eŋbek naryǧy bır qalypqa keledı.
Jalpy studentterdıŋ 9 myŋy – jan-jaqtan kelgender. Demek, Astana – armanşyl jastardyŋ qalasy. Menıŋşe, memlekettık jastar saiasatynyŋ jaŋa basymdyqtary men mındetterın aiqyndau, el damuy üşın eŋbek etu barlyq jastardyŋ ortaq maqsaty boluy kerek. Öitkenı, jiyrma bırınşı ǧasyrdyŋ
jastary – jıgerlı ärı jaŋaşyl. Sondyqtan, olardyŋ bastamalaryn jan-jaqty qoldap, jüzege asyruǧa bız ärqaşan da äzırmız.
Gülbarşyn ÖKEŞQYZY
