Ūlttyq kiım – ūltymyzdyŋ ūlylyǧyn ūlyqtaityn, ūlttyq kodymyzdy bıldıretın aişyqty körsetkış. Ūlttyq kiımderımızdıŋ mol mūrasymen maqtana alatyndai elmız. Basqa kiımderdı aitpaǧanda, bır ǧana bas kiımnıŋ qazaq halqynda 20-dan astam türı bar. Bügınde ūlttyq kiım özımızde ǧana emes, özge elderde de keŋınen ūlyqtalu üstınde. Äleumettık jelıde Qytaida qazaq jıgıtınıŋ ūlttyq kiımmen köşede jürıp eldıŋ nazaryna tüsken videosy 5 millionǧa juyq qaralym jinap, halyqtyŋ ystyq yqylasyna bölengen.
Elde ūlttyq kiımdı nasihattau tek bır rettık chellendjdermen, aksiialarmen ǧana şektelude. Soŋǧy uaqytta jalpy halyq arasynda «Ūlttyq sezım» jalpyūlttyq aksiiasy bastalyp, el arasynda keŋınen qoldau tauyp keledı. Aksiiany ziialy qauym ökılderı, jurnalister men blogerler, oqu ordalary qoldap, aptanyŋ är jūmasynda ūlttyq naqyştaǧy kiımderdı kiıp jürgender qatary köbeidı. Osy aksiiany bastaǧan azamattarǧa erekşe alǧysymdy bıldıremın. Ūlttyq kiım mädeni maidannyŋ negızgı qaruy, halyq sanasyna äser etuşı küş ekenın eskersek, būl mäselege üstırtın qarauǧa bolmaidy.
«Ūlttyq kiımderdı tek Nauryzda ǧana emes, jai künderı de jiı kiıp jüruımız kerek» dep Prezidentımız de ündeu tastaǧan edı. Aldaǧy uaqytta ūlttyq naqyştaǧy kiım kiiu dästürın tek Nauryzben, bır rettık şaralarmen ǧana şektemei, ony trendke ainaldyru qajet. Mäselen, bauyrlas qyrǧyz halqy basynan aiyr qalpaǧyn tastamaidy. Soǧan qarap-aq onyŋ qyrǧyz ekenın jazbai tanisyŋ. Tıptı Joǧarǧy Keneştıŋ özınde deputattary aiyr qalpaǧyn kiıp otyrady. Ol qala berdı ūlttyq kiımderın saqtau maqsatynda 5 nauryzdy Aiyr qalpaq künı dep memlekettık deŋgeide bekıtıp, IýNESKO-nyŋ materialdyq emes mädeni mūralarynyŋ tızımıne engızgen. Mūndai kün tek Qyrǧyzstanda ǧana emes, älemnıŋ Braziliia, İspaniia, Şotlandiia, Japoniia syndy alpauyt elderınde bar. Körşıles özbek halqy da ala taqiiasy men şapanyn kündelıktı kiedı. Sol sekıldı şeşen halqy da eltırı börıgımen erekşelenedı.
Bız de öz ūlttyq kiımımızdı özımız kiiudı sänge ainaldyrmasaq, bırtındep olardy basqalar iemdenıp ketuı mümkın. Soŋynda şapanymyzdan aiyrylyp, qamşymyzdy ǧana ūstap qalmaiyq. Joǧaryda aitylǧandardy qoryta kele, Ükımetke mynadai ıs-şaralardy qolǧa aludy ūsynamyn:
Bırınşıden, ūlttyq kiımderımızdı ūlyqtau maqsatynda respublikalyq deŋgeide «Ūlttyq kiım» künın bekıtu. Būl kün mädeni qūndylyqtarymyzdy keŋınen nasihattap, öskeleŋ ūrpaqty otanşyldyqqa tärbieleudıŋ negızı bolar edı.
Ekınşıden, memlekettık qyzmetkerler men halyqqa qyzmet körsetetın ortalyq qyzmetkerlerınıŋ kiımderıne qazaqi oiu-örnek elementterın qosu.
Üşınşıden, ūlttyq kiım öndıretın otandyq käsıpkerlerge memleket tarapynan qoldau körsetıp, biznestı qoldauǧa baǧyttalǧan granttarǧa, ūlttyq kiım käsıbıne basymdyq beru. Halyq arasynda ūlttyq kiımdı qoljetımdı etuge yqpal etıp, sūranysty arttyru.
Törtınşıden, mektep oquşylary kietın ūlttyq kiımder standartyn äzırlep engızu ärı halyqaralyq türlı jarystarǧa (ǧylymi olimpiada, sport) baratyn azamattardyŋ formalaryna mındettı türde ūlttyq naqyş beineleu.
Däulet MŪQAEV,
Mäjılıs deputaty
