Elordada barlyq salanyŋ damuyna aiqyn basymdyq berılıp otyr. Ol naqty bır josparǧa säikes jüielengen. Astana qalasynyŋ äkımdıgınde «Biznestıŋ jol kartasy – 2020» baǧdarlamasy şeŋberınde ötken jiyn barysynda taǧy jetı jobanyŋ tūsauy kesıldı. Onyŋ ışınde keibır öndırıs ornyn ūlǧaitu mäselesı de qaraldy.
Astana qalasy äkımınıŋ orynbasary Qanat Sūltanbekov aldaǧy uaqytta elektrondy bilet jüiesın engızu ısı pysyqtalyp jatqanyn atap öttı. Sonymen bırge jaŋa avtobus äkeludı merzımınen keşıktırgen serıktestık ökılıne syn-eskertpe jasady.
«Asyl Qazyna NS» JŞS temırbeton būiymdary men terezelerdı äzırlep şyǧarady. Alaida, önım kölemın ūlǧaitu üşın qarajat qajet. Bank tarapynan nesieleuge kepıldık berılıp, jūmysyn odan ärı jalǧastyruǧa mümkındık berıldı. Al «LED Solution» JŞS diodty şamdy şyǧaruǧa rūqsat aldy. Sebebı, qazırgı qoldanysta jürgen liuminessent şamy adam densaulyǧyna ziian eken.
Osy üilestıru keŋesı otyrysynda bırneşe azamatty serıktestık basşylary jūmysqa aluǧa uäde berdı. Qala men dalaǧa bırdei ortaq baǧdarlama osylaişa talailardyŋ mūqtajyn öteude.
Ämırhan ALMAǦANBETOV
