«QOLJETIMDI BASPANA-2020» BAǦDARLAMASY JAILY BAR AQİQAT

Jaqynda QR Ükımetı bekıtken ≪Qoljetımdı baspana-2020≫ baǧdarlamasy jaily jer–jerde – qoǧamdyq kölıkte, keŋselerde jäne qyzmette qyzu pıkırtalas jürıp jatyr. Būl baǧdarlama tūrǧyn üi naryǧyndaǧy jaǧdaidy jäne qatardaǧy Qazaqstan azamattarynyŋ tūrǧyn üi jaǧdailaryn jaqsartuǧa baǧyttalǧan. Keibıreuler baspana mäselesın şeşsem degen ümıtpen atalǧan baǧdarlamany şynaiy ıltipatpen qoldasa, endı bıreuler onyŋ tabysty bolatynyna senbei, synap baǧuda. Bıreuler keş qaldym dep mūŋaisa, endı bıreulerı ony jüzege asyrǧanşa qai uaqyt dep senbestık tanytady. Tek bır närse aiqyn, būl baǧdarlama eşkımdı de beiqam qaldyrǧan joq. İnternettegı qarama–qaişy pıkırlerdı jinap alyp, baǧdarlama operatorlarynyŋ bırı – ≪Qazaqstannyŋ tūrǧyn üi qūrylys jinaq bankı≫ AQ–na bet aldym. Bank qyzmetkerlerınıŋ bır toby maǧan baǧdarlama jaily tüsınıkteme beruge kelısım berdı.

 

 «Qoljetımdı baspana – 2020» baǧdarlamasy boiynşa tolyq jäne şynaiy aqparat qanşalyqty qoljetımdı? 

Mynadai kommentariiler bar: 

Tala 2012-05-29 19:22, tengrinews.kz: «Ädettegıdei, halyq ol jaily tek alatyn eşteŋe qalmaǧanda ǧana bıledı! Aldymen memlekettık qyzmetşılerdıŋ tuystary men jaqyn-juyqtary, ony bılıp otyrǧandar alady, al bız jaŋalyqtardan estıp-bılgenşe, keş bolady!!!»

≪Qazaqstannyŋ tūrǧyn üi qūrylys jinaq bankı≫ AQ–nyŋ Baspasöz hatşysy Baiandina G.K.

– Memlekettık organdar «Qoljetımdı baspana–2020» baǧdarlamasyna äzırlıktı 2012 jylǧy aqpan aiynda bastaǧan bolatyn.Baǧdarlama bekıtılgenge deiın aǧymdaǧy jylǧy mausym aiynyŋ soŋynda BAQ qatysuymen Baǧdarlama jobasy bırneşe ret QR Ükımetınıŋ otyrystarynda qaraldy. Basa aitqymyz keletını, Baǧdarlama bekıtılgenge deiın talai uaqyt boiy äzırlenıp jatqan talaptar jaily qyzu talqylau jürdı.

Baǧdarlama bekıtılgen soŋ da bırneşe ret osy taqyrypqa arnalǧan baspasöz konferensiialary jürgızıldı. Baǧdarlamanyŋ tolyq mätınımen Banktıŋ www.hcsbk.kz saitynda da tanysuǧa bolady, sondai-aq Bankte QTQJB arqyly taratylatyn, Baǧdarlama talaptaryna qysqa ärı körnekı türde tüsınık beretın tūsaukeser paraqşalar äzırlengen.

Bank filialdarynyŋ barlyq keŋselerınde, sondai-aq 8-800-080-1880 telefony boiynşa (qoŋyrau şalu tegın) aqparat aluǧa bolady.

Baǧdarlama turaly barlyq aqparatqa emın-erkın qol jetkızuge bolady.

– «Qoljetımdı baspana – 2020» baǧdarlamasy boiynşa salynatyn tūrǧyn üilerge qazırdıŋ özınde kezek bar degen äŋgımeler estıp jatyrmyz. Şynynda solai ma? 

Sake jäne Evgeniidıŋ pıkırlerı:

Sake 2012-07-19 11:23; tengrinews.kz: «Ol üilerge kezek qazırdıŋ özınde 20 jylǧa alynyp qoiylǧan!»Dobryi den, Lidiia İvanovna!

≪Qazaqstannyŋ tūrǧyn üi qūrylys jinaq bankı≫ AQ Departament direktory Sizov A.S.:

– Men tūrǧyn üi qūrylys jinaq jüiesınıŋ qatysuşylary üşın salynatyn tūrǧyn üilerdıŋ qalai bölınetındıgıne tüsınık bereiın, sonda mūndai sūraqtar öz-özınen şeşıledı. Tūrǧyn üi qūrylys jinaq jüiesı arqyly «Qoljetımdı baspana–2020» baǧdarlamasynyŋ ekı baǧyty jüzege asyrylady:

1) JAO tūrǧyn üi saluy jäne ony halyqtyŋ barlyq sanattary üşın tūrǧyn üi qūrylys jinaq jüiesı arqyly jüzege asyru, sonyŋ ışınde keiınnen satyp alumen tūrǧyn üidı ūzaq merzımdı jalǧa alu mümkındıgı közdelgen (atalǧan baǧyt boiynşa keiınnen satyp alumen tūrǧyn üidı jalǧa alu mümkındıgı Baǧdarlamada atap körsetılgendei, 2013 jylǧy 1 qaŋtardan bastap jüzege asyrylatyn bolady);

2) JAO tūrǧyn üi saluy jäne ony keiınnen satyp alumen jas otbasylarǧa jalǧa beru.

Bırınşı baǧyt boiynşa, tūrǧyn üi satyp aluǧa tılek bıldıruşıler tızımın qūrastyru qaşanda naqty bır üidıŋ qūrylysyn salu kezeŋınde bastalady. Tūtas alǧanda, prosedura mynadai: tūrǧyn üi qūrylys jinaq jüiesınıŋ qatysuşylary üşın naqty üi qūrylysyn salu turaly Äkımdıkpen kelısımge qol qoiǧannan keiın Bank baspasözde jäne Banktıŋ saitynda naqty bır üi boiynşa tūrǧyn üi satyp aluşylar pulyna qatysuǧa ötınışter qabyldau bastalǧandyǧy turaly habarlandyru jariialaidy. Ötınışter qabyldau 2 aiǧa sozylady. Berılgen ötınışterdıŋ ışınen tūrǧyn üi qūrylys jinaq jüiesıne qatysudyŋ ūzaqtyǧy men sapasy esepke alyna otyryp, ball jüiesıne säikes eŋ köp ball jinaǧan, salynyp jatqan päter sanyna teŋ qatysuşylar sany ırıktelıp alynady. Mysaly, eger 200 päterlık üi salynsa, al tüsken ötınış sany 250 bolsa, onda tızımge eŋ köp ball jinaǧan ötınış beruşıler engızıledı, qalǧan 50 adam «rezervtık» tızımde qalady. Eŋ köp ball jinaǧan 200 ötınış beruşı päterdı satyp alu üşın tölem qabıletın rastaityn tiıstı qūjattardy beredı. Eger kımde-kım özınıŋ tölem qabıletın rastai almaǧan jaǧdaida, ötınış beruşıler sanyn tolyqtyru «rezervtık» tızımnen jüzege asyrylady. Ärı qarai tūrǧyn üidı bölu prosedurasy jürgızıledı – tölem qabıletın rastaǧandardyŋ tızımı qūrastyrylady, päter taŋdauda basymdyq taǧy da eŋ köp ball alǧan adamdarǧa berıledı. Belgılengen künı ötınış beruşıler tızım boiynşa özderı tūrǧyn üiden satyp alǧysy keletın päterdı jobalanuyna, ornalasuyna, qabatyna jäne t.b. qarai taŋdaidy. Būl parametrlerdıŋ barlyǧy klient pen Bank qol qoiatyn Baǧdarlamaǧa qatysu turaly qosymşa kelısımge kırgızıledı jäne osy sätten bastap ötınış beruşıge Baǧdarlama qatysuşysy – JAO tapsyrysy boiynşa qūrylysy jüzege asyrylatyn üidegı naqty päterdıŋ satyp aluşysy märtebesı berıledı. Endı klientke tek tūrǧyn üi qūrylys jinaqtaryn ärı qarai jinaqtau jäne üi qūrylysynyŋ aiaqtaluyn kütu ǧana qalady. Tūrǧyn üidı satyp alu üidıŋ qūrylysy aiaqtalǧan soŋ jäne ol paidalanuǧa berılgennen keiın jürgızıledı.

Jaŋa üige kelesıdei prosedura jürgızıledı jäne eşqandai da «20 jylǧa deiın alynyp qoiylǧan kezek» joq.

Ekınşı baǧyt boiynşa Baǧdarlamaǧa qatysu üşın jas otbasylaryn ırıkteudı jäne tūrǧyn üilerdı böludı Äkımdıkter jürgızedı. Jas otbasylary üşın Baǧdarlama kriteriilerı mynadai:

1) Baǧdarlamaǧa qatysuǧa ötınış beru sätıne erlı-zaiyptylardyŋ ekeuınıŋ de jasynyŋ 29-dan aspauy kerek;

2) ötınış beru sätıne nekede tūrǧan kezeŋınıŋ 2 jyldan kem bolmauy qajet;

3) otbasy qūramyna erlı-zaiyptylar, kämeletke tolmaǧan jäne eŋbek etuge qabıletsız balalar, erlı-zaiyptylardyŋ eŋbek etuge qabıletsız ata-analary kıredı;

4) Baǧdarlama qatysuşysynyŋ jäne onyŋ otbasy müşelerınıŋ Baǧdarlamaǧa qatysuǧa ötınış berılgen eldı mekende tırkeude tūruy;

5) Baǧdarlama qatysuşysynyŋ jäne onyŋ otbasy müşelerınıŋ keiınnen satyp alumen jaldamaly tūrǧyn üige qonystanu üşın Baǧdarlamaǧa qatysuǧa ötınış bergen eldı mekende menşık qūqyǧynda baspanasynyŋ bolmauy;

6) erlı-zaiyptylardyŋ jäne olardyŋ otbasy müşelerınıŋ soŋǧy 5 jyl ışınde tūrǧyn üi jaǧdailaryn qasaqana naşarlatu jaittarynyŋ bolmauy;

7) ötınış berer aldyndaǧy soŋǧy 6 ai üşın otbasynyŋ taza jiyntyq otbasylyq kırısı (zeinetaqy audarymdaryn, jeke tabys salyǧyn jäne basqa şegerımderdı alyp tastaǧanda) mynalar şegınde boluy:

a) eŋ tömengı şek: Almaty, Astana qalalary üşın – tiıstı jyl üşın ömır süruge qajettı eŋ tömengı qarajattyŋ 4 eselengen mölşerı, qalǧan qalalar (eldı mekender) üşın – ömır süruge qajettı eŋ tömengı qarajattyŋ 3 eselengen mölşerı;

b) eŋ joǧarǧy şek: barlyq qalalar (eldı mekender) üşın – ömır süruge qajettı eŋ tömengı qarajattyŋ 12 eselengen mölşerı.

Tek tūrǧyn üi qūrylys jinaq jüiesınıŋ salymşysy ǧana Baǧdarlama qatysuşysy bola alady. Būl baǧyttaǧy Banktıŋ rölı äleuettı jas otbasynyŋ – jaldauşylardyŋ tölem qabıletın baǧalau, jaldau kezeŋınde qarajat jinaqtauǧa monitoring jürgızu, sondai-aq keiınnen jaldamaly tūrǧyn üidı satyp alu üşın tūrǧyn üi zaemdaryn beru bolyp tabylady.

Tūtas alǧanda, Baǧdarlamanyŋ bırınşı baǧyty şeŋberınde 2012 jyldan bastap 2020 jylǧa deiın 3 mln. ş. m. juyq, ekınşı baǧyt aiasynda – 1,5 mln. ş.m. tūrǧyn üidı paidalanuǧa beru josparlanyp otyr.

-Sızdıŋşe qalai, Baǧdarlama boiynşa şyn mänınde qaşan päterdı satyp aluǧa nemese jalǧa aluǧa bolady?

Mynadai tūjyrymdar bar:

GAGARİN GAGARİN 13:46, 18 şılde 2012, nur.kz: «Jaratuşy Alla, mūnyŋ bärı qaşan jūmys ıstei bastaidy?! QANŞA RET AITYLDY, ornynan qozǧalǧan eşteŋe joq…».

≪Qazaqstannyŋ tūrǧyn üi qūrylys jinaq bankı≫ AQ Departament direktory Sizov A.S.: 

– Baǧdarlama barysyn qadaǧalap otyrǧandar bıledı dep oilaimyn, «Qoljetımdı baspana–2020» baǧdarlamasynyŋ bırınşı baǧyty şyn mänınde, 2011-2014 j.j. arnalǧan tūrǧyn üi qūrylysy baǧdarlamasynyŋ jalǧasy bolyp tabylady, al būl Baǧdarlama 2011 jyly bastalǧan bolatyn.

Bügıngı taŋda mynadai naqty mysaldar keltıruge bolady: myna qalalarda 850 päterlık 11 tūrǧyn üidıŋ qūrylysy aiaqtaldy: Aqtöbe (3 üi–393 päter), Taldyqorǧan (1 üi – 60 päter), Oral (1 üi – 90 päter), Taraz (2 üi – 64 päter), Qyzylorda (2 üi – 100 päter), Pavlodar (2 üi – 143 päter). Qazırgı uaqytta Baǧdarlama qatysuşylaryna päterlerge qūjattar räsımdelude.

Sondai-aq barlyq oblys ortalyqtarynda jäne Almaty, Astana qalalarynda 5 381 päterlık 81 üidıŋ qūrylysy jürgızılude, olarǧa ötınışter beru aiaqtalǧan nemese jürgızılu üstınde.

Tek 2012 jyly ǧana Äkımdıktermen 1336 päterlık 17 üidıŋ qūrylysyn saluǧa kelısımge qol qoiyldy, tūrǧyn üilerdıŋ qūrylysyn saluǧa kelısımderge qol qoiu jūmysy ärı qarai jalǧasuda.

– Al Baǧdarlama boiynşa salynyp jatqan üilerdıŋ sapasy turaly Sız ne aitasyz? 

Forum qatysuşylaryn būl sūraq ta qyzyqtyrady: bek 2012-05-29 16:48, tengrinews.kz: «eŋ bastysy, qoljetımdı baspana qūlap qalmasa bolǧany…»

≪Qazaqstannyŋ tūrǧyn üi qūrylys jinaq bankı≫ AQ Departament direktory Sizov A.S.:

Baǧdarlamada jailylyǧy 3 jäne 4 klasty tūrǧyn üi salu közdelgen.

Jailylyǧy 3 jäne 4 klasty degen nenı bıldıredı jäne olardyŋ 1 jäne 2 klasty jailylyqtan qandai aiyrmasy bar degen sūraq tuyndaidy. Eger qysqaşa aitsaq, 1 jäne 2 klass – būl barynşa mümkın bolatyn artyqşylyqtary bar taŋdauly (elitalyq) tūrǧyn üiler, al 3 jäne 4 klass – būl qalypty zamanaui jaily baspana. Qai klass bolsa da, qauıpsızdık pen sapalylyq jaǧdaiy bırdei, iaǧni kez kelgen klastaǧy tūrǧyn üilerdıŋ seismikalyq berıktıgıne, qūrylys sapasyna kepıldık berıledı. Degenmen, özındık erekşelıkterı de joq emes. Mysaly, jailylyǧy 3 klasty üilerdıŋ as bölmesınıŋ audany 9 ş.m. aspauy kerek, töbelerınıŋ biıktıgı – 2,7 m., 1 adamǧa jalpy audany 18 ş.m. kem emes, bölme sany 2 jäne odan köp bolǧanda, santorap bölek, päterdıŋ ärlenuı – jaqsartylǧan. Al jailylyǧy 4 klasty üilerde as bölmesınıŋ audany 6 ş.m., töbelerınıŋ biıktıgı – 2,5 m., 1 adamǧa jalpy audany 15 ş.m. kem emes, santorap bırge boluy mümkın, päterdıŋ ärlenuı – jai ärleu.

3 klasty jailylyq boiynşa taza ärlengen tūrǧyn üidıŋ 1 şarşy metrı üşın satu baǧasy:

• Almaty jäne Astana qalalarynda – 142,5 myŋ teŋge;

• Atyrau, Öskemen jäne Aqtau qalalarynda – 112,5 myŋ teŋge;

• qalǧan öŋırlerde – 90 myŋ teŋge. 4 klasty jailylyq boiynşa taza ärlengen tūrǧyn üidıŋ 1 şarşy metrı üşın satu baǧasy:

• Almaty jäne Astana qalalarynda – 120,0 myŋ teŋge;

• Atyrau, Öskemen jäne Aqtau qalalarynda – 100,0 myŋ teŋge;

• qalǧan öŋırlerde – 80 myŋ teŋge.

Qūrylys sapasyna baqylau jasaudy Äkımdıkter qamtamasyz etedı. Qazırgı uaqytta qūrylys sapasyna erekşe köŋıl bölınedı. Bank, öz tarapynan, tūrǧyn üi satyp aluşylar pulyna qatysuşylardyŋ ökılı retınde, salynyp jatqan üilerdıŋ sapasyn tekserudı kezeŋdılıkpen jüzege asyrady jäne öz klientterı üşın salynyp jatqan obektınıŋ aǧymdaǧy jaǧdaiy turaly aqparattardy Banktıŋ saityna ornalastyryp otyrady.

– Tabysy tömen azamattardyŋ jolyn kesıp, üilerdı satyp alatyn «qaltasy qalyŋdar» üşın qandai da bır şekteuler qoiylǧan ba? tengrinews.

kz kıruşılerdıŋ dialogy: 

ioprst 2012-07-18 14:48: «negızınde qalai, aluǧa tūra ma, joq pa?Sızdıŋ pıkırıŋız qandai? (eskertu: baspanaǧa zäru emespın)». 

Chel 2012-07-18 21:08: «Eger, şyn mänınde baspanaǧa zäru bolmasaŋyz, būl sūraqty qoimau kerek qoi. Qajet etken adamdar alsyn da».

≪Qazaqstannyŋ tūrǧyn üi qūrylys jinaq bankı≫ AQ Departament direktory Hlystova O.N.:

Bırınşı baǧyt boiynşa:

Baspanasy joq nemese tūrǧyn üi jaǧdailaryn jaqsartu qajet adamdar üşın aldyn ala jäne aralyq tūrǧyn üi zaemdary boiynşa jeŋıldetılgen paiyzdyq mölşerlemeler közdelgen.

«Qoljetımdı baspana–2020» baǧdarlamasy aiasynda jeŋıldetılgen paiyzdyq mölşerlemeler boiynşa aldyn ala jäne aralyq tūrǧyn üi zaemdaryn alu üşın Baǧdarlama qatysuşysy mynadai talaptarǧa säikes keluı tiıs:

1) Baǧdarlama qatysuşysynyŋ jäne onyŋ otbasy müşelerınıŋ Baǧdarlamaǧa qatysuǧa ötınış bergen eldı mekende menşık qūqyǧynda baspanasynyŋ bolmauy nemese Baǧdarlama qatysuşysynyŋ, onyŋ otbasy müşelerınıŋ menşıgındegı paidalanyp otyrǧan paidaly audannyŋ mölşerı otbasynyŋ bır müşesıne 15 ş.m. kem mölşerdı qūraǧan jaǧdaida, Baǧdarlama qatysuşysynyŋ tūrǧyn üi jaǧdailaryn jaqsartu qajet boluy;

2) Baǧdarlama qatysuşysynyŋ jäne onyŋ otbasy müşelerınıŋ soŋǧy 5 jyl ışınde Baǧdarlamaǧa qatysuǧa ötınış berılgen eldı mekende tūrǧyn üi jaǧdailaryn qasaqana naşarlatu jaittarynyŋ bolmauy.

Eger Baǧdarlama qatysuşysy atalǧan talaptarǧa jauap bermese, onda Banktıŋ standartty mölşerlemelerı boiynşa aldyn ala jäne aralyq tūrǧyn üi zaemdaryn aluǧa qūqyǧy bar.

Ekınşı baǧyt boiynşa.

Joǧaryda menıŋ ärıptesım aityp ketkendei, jas otbasylarynyŋ eŋ joǧary taza otbasylyq kırısı boiynşa şekteuler belgılengen. Būl nūsqa tek ai saiynǧy taza jiyntyq kırısı eŋ tömengı künkörıs minimumynyŋ 15 eselengen mölşerınen aspaityn otbasylary üşın közdelgen, bügıngı taŋda būl soma 261 585 teŋgege teŋ.

– Tūrǧyn üidı satyp aluǧa nemese jalǧa aluǧa Baǧdarlama boiynşa ai saiynǧy tölemder qanşalyqty qoljetımdı? 

Mynadai kommentariiler bar: 

Evgenii 2012-06-05 15:10, tengrinews.kz: «ai saiynǧy tölemderdıŋ mölşerı 50 myŋ teŋgenı qūraidy. Qoljetımdı bolǧany osy ma? 50 myŋ – būl QR-daǧy köpşılık halyqtyŋ ortaşa ailyq eŋbekaqysy.»

≪Qazaqstannyŋ tūrǧyn üi qūrylys jinaq bankı≫ AQ Departament direktory Hlystova O.N.:

Otbasy kırısı aldyn ala zaem aluǧa jetpegen jaǧdaida, tūrǧyn üi qūrylys jinaq jüiesı arqyly jüzege asyrylatyn Baǧdarlamanyŋ bırınşı baǧyty boiynşa tölemderdı esepteudıŋ ülgısımen tanysudy ūsyndy.

Mysaly:

• ş.m./90 000 tg. dep eseptegende, audany 60 ş.m. 2 bölmelı päterdıŋ qūny – 5,4 mln. teŋge;

• qarajat jinau boiynşa ai saiynǧy jarna 8 jyl boiy – 28 620 teŋgenı qūraidy;

• jaldau tölemı – 6 000 teŋge (8 jyl boiy);

• Jaldamaly tūrǧyn üidı satyp aluǧa tūrǧyn üi zaemyn öteu boiynşa tölem 18 900 teŋgenı qūraidy (tūrǧyn üi zaemy 15 jylǧa deiın merzımge, teŋgemen jyldyq 4 % mölşerleme boiynşa berıledı).

– Olga Nikolaevna, men dūrys tüsıngen bolsam, menıŋ otbasym 8 jyl boiy ai saiyn 34 620 (jaldau+jinaqtau) teŋge tölei me? Jäne bır mezgılde päterde tūratyn bola ma?

– İä, öte dūrys. Jaldamaly tūrǧyn üige kıru üşın Sız özıŋızdıŋ Banktegı jinaq şotyŋyzǧa salymǧa ai saiynǧy jarnalardyŋ 6 eselengen mölşerınde kepıldık jarna saluyŋyz qajet (bızdıŋ ülgı boiynşa būl soma 28 620*6 = 171 720 teŋgege teŋ). Al 50% jinaqtaǧan soŋ jäne jinaqtau talaptaryn oryndaǧannan keiın Sız tūrǧyn üi zaemyn ala alasyz jäne tūrǧyn üidı satyp alasyz. Tūrǧyn üi zaemyn öteu boiynşa tölem 15 jyl boiy 18 900 teŋgenı qūraidy. Endı päter Sızdıŋ jeke menşıgıŋız bolyp tabylatyndyqtan, jaldau tölemın būdan keiın tölemeisız.

Jaldauşylar aqşa jinaqtau boiynşa tölemderdı ūqypty türde salyp otyrulary qajet ekendıgın eskertkım keledı. Salymǧa jarnalar uaqtyly engızılmegen jaǧdaida, jaldamaly tūrǧyn üide naqty tūrǧany üşın ötemaqy tölei otyryp, jaldauşy jaldamaly tūrǧyn üiden şyǧuǧa mäjbür bolady.

-Baǧdarlamaǧa qatysuǧa qatysty sūraqtar öte köp, Sız qandai keŋes beresız?

 Medet Aktaev 14:53, 18 şılde 2012, nur.kz: «Al räsımdeudıŋ ärbır qadamy turaly qaidan bıluge bolady?» 

Andreas 2012-07-19 11:20, tengrinews.kz:«Tūrǧyn üidı jalǧa alu üşın jas otbasylary qaida baruy kerek?»

Ertai 2012-06-15 18:32, tengrinews.kz:«Al tırkeu jergılıktı boluy kerek pe, eger men basqa qalada tırkelgen bolsam şe?»

≪Qazaqstannyŋ tūrǧyn üi qūrylys jinaq bankı≫ AQ Departament direktory Hlystova O.N.:

Bank filialdarynyŋ barlyq keŋselerınde, 8-800-080-1880 telefony boiynşa (qoŋyrau şalu tegın), sondai-aq Banktıŋ www.hcsbk.kz saitynda neǧūrlym tolyq keŋes aluǧa jäne aqparattardy bıluge bolady!

Qosymşa aqparattardy ≪Qazaqstannyŋ Tūrǧyn üi qūrylys jinaq bankı≫ AQ–nyŋ aimaqtyq filialynan ala alasyzdar. Meken–jaiy: Astana qalasy, Abai daŋǧyly, №8 üi, tel.: 40-72-76, 40-72-77 nemese Qajymūqan köşesı, №12 „A„ üi, tel.: 36-19-07, 36-19-20 

Mazmūndy jauaptaryŋyzǧa rahmet!

Damir Akimov