JÜITKİDI JÜRDEK KÖLIK KÖŞEMIZDE
Elımızdıŋ bas qalasynda arnaiy salynǧan joldarmen jüretın jürdek avtobustar jüiesı (BRT) jobasy boiynşa qūrylys jūmystary bastaldy. Joba qoldanysqa berılgen kezde qala tūrǧyndaryna qoǧamdyq kölıkte jüru yŋǧaily, ärı jol qozǧalysyn ūiymdastyru sapasy arta tüspek.
Qala äkımı apparaty baspasöz qyzmetınıŋ mälımetınşe, BRT degenımız – arnaiy salynǧan joldarmen jüretın jürdek avtobustar jüiesı. BRT äuejaidy, «EKSPO» qalaşyǧyn, Äbu Dabi Plazany jäne jaŋa temırjol vokzalyn qosatyn bolady.
Jaŋa jüie beton jabyndy arnauly trassadan, tırşılıktı qamtamasyz etu keşenderımen jabdyqtalǧan jabyq stansalardan, qauıpsızdık jüielerınen, jolaqysyn elektrondy töleu qūrylǧylarynan, eskalatorlar men liftılerden, sondai-aq depo men jyljymaly qūramnan tūrady.
Negızgı joldan bölek salynatyn BRT avtobustary jüretın arnauly joldar jabyq jolauşylar stansalarymen jäne jerasty ötkelderımen jabdyqtalady. Naqtylanǧan qozǧalys uaqyty aralyǧynda baǧyt erekşelıgıne säikes jolauşylar syiymdylyǧy asa ülken avtobustar jüretın bolady. Jolaqysyn töleu jäne tekseru metrodaǧy tölem jüiesıne säikes jüzege asyrylady.
Saǧi ORAL