Juyrda elordada mümkındıgı şekteulı balalar şyǧarmaşylyǧyn damytuǧa arnalǧan H respublikalyq «Jūldyzai» festivalı öttı.
Biyl dästürlı türde öz arnasyn tapqan aituly şaraǧa on jyl tolyp otyr. Sondyqtan, atauly mereitoiǧa orai ötken şyǧarmaşylyq baiqauǧa elımızdıŋ är tükpırınen 2000-ǧa juyq örennen ırıktelgen 300-ge juyq jas talanttar qatysty. Olar alty nominasiia boiynşa öz önerlerın sarapqa saldy. On alty öŋırden kelgen jetkınşekter mümkındıgı kelgenşe namysty qoldan bermeuge tyrysty. Äsırese, Batys Qazaqstan oblysynan kelgen jas daryndardyŋ aiaq alystary şiraq. Olarǧa körermenderdıŋ yqylasy joǧary boldy.
– Bız osymen onynşy märte ötıp otyrǧan baiqauǧa jetınşı ret qatysyp tūrmyz. Är kelgen saiyn qanjyǧamyz bos qaitqan joq. Osy joly da bi jäne suret atalymdary boiynşa jüldeden dämelımız. Äsırese, «Aiagöz» bişıler toby men bırneşe halyqaralyq baiqaulardyŋ jeŋımpazy, jas suretşı Nūrjan Jūmajanov jeŋedı degen senımımız mol. Taǧdyrdyŋ basqa salǧan tauqymetın tartyp jürgen jandarǧa şyǧarmaşylyq qoldau körsetıp, jürekterınde ümıt otyn jaǧyp, jabyrqap jürgen köŋılderıne körkem küi syilaǧan ūiymdastyruşylarǧa alǧysymyz şeksız. Baiqaudyŋ jalǧasa bergenın qalaimyn, – deidı Batys Qazaqstan oblysynyŋ jas daryndaryn bastap kelgen jetekşısı Nūrgül Mäjitova.
Sonymen, baby men baǧy kelısıp, alty ainalymnan suyrylyp şyqqan jüirıkterdı
1 mausym – Balalardy qorǧau künı merekesıne orai ötetın gala-konsertte marapattap, baǧaly syilyqtardy tabys etpek. Jäne «Qazaqstan» ortalyq konsert zalynda
ötetın aituly şarada jeŋımpaz jas daryndar otandyq önerpazdardan bölek Reseidıŋ tanymal änşısı Diana Gurskaiamen bırge öner körsetuge mümkındık alady.
Farhat QANALY,
L.Gumilev atyndaǧy Euraziia ūlttyq universitetınıŋ
1-kurs studentı
